ചലച്ചിത്ര നടിയും മുന്‍ എംപിയുമായ ജയപ്രദയ്ക്ക് ആറ് മാസം തടവ് ശിക്ഷ വിധിച്ച് ചെന്നൈ എഗ്‌മോര്‍ കോടതി. ജീവനക്കാരുടെ ഇഎസ്‌ഐ വിഹിതം അടയ്ക്കാത്തതിനാലാണ് ശിക്ഷ വിധിച്ചത്. 5000 രൂപ പിഴയും അടയ്ക്കണം. തീയേറ്റര്‍ നടത്തിപ്പുമായി ബന്ധപ്പെട്ട ഒരു കേസിലാണ് ഉത്തരവ്.
ജയപ്രദയ്ക്കൊപ്പം അവരുടെ ബിസിനസ് പങ്കാളികളായ രാം കുമാര്‍, രാജ ബാബു എന്നിവര്‍ക്കും 6 മാസം തടവും 5,000 രൂപ പിഴയുമാണ് ശിക്ഷ.
തിയേറ്റര്‍ ജീവനക്കാര്‍ക്കുള്ള മുഴുവന്‍ കുടിശ്ശികയും തീര്‍ത്ത് നല്‍കാമെന്ന് ജയപ്രദ കോടതിയില്‍ ബോധിപ്പിച്ചെങ്കിലും കേസ് തള്ളണമെന്ന് ആവശ്യപ്പെട്ട് കോടതിയില്‍ അപ്പീല്‍ നല്‍കിയെങ്കിലും കോടതി അവളുടെ അപ്പീല്‍ നിരസിക്കുകയും 6 മാസം തടവും 1000 രൂപ പിഴയും വിധിക്കുകയും ചെയ്തു. 5,000.
അതേസമയം ഒരുകാലത്ത് ഹിന്ദിയിലും തെലുങ്കിലും മുന്നില്‍ നിന്ന താരമായിരുന്നു ജയപ്രദ. ഇതിനിടെ മികച്ച നടിക്കുള്ള നന്തി അവാര്‍ഡും ഈ നടിക്ക് ലഭിച്ചിട്ടുണ്ട്.
മോഹന്‍ലാല്‍ നായകനായി എത്തിയ ഹിറ്റ് ചിത്രങ്ങളായ ‘ദേവദൂതനി’ലും ‘പ്രണയ’ത്തിലും ഒരു പ്രധാന വേഷത്തില്‍ ജയപ്രദയുണ്ടായിരുന്നു. മലയാളത്തില്‍ ‘കിണര്‍’ എന്ന ചിത്രത്തിലാണ് ഒടുവില്‍ ജയപ്രദ വേഷമിട്ടത്.
ഇതിനിടെയാണ് താരം പാര്‍ട്ടിയിലേക്ക് ഇറങ്ങിയത്. തെലുങ്ക് ദേശം പാര്‍ട്ടിയിലൂടെയാണ് നടി ജയപ്രദ രാഷ്ട്രീയത്തിലേക്ക് എത്തുന്നത്. 1994ല്‍ പാര്‍ട്ടിക്കായി തെരഞ്ഞെടുപ്പ് പ്രചാരണത്തില്‍ ഭാഗമായിരുന്നു നടി. പിന്നീട് സമാജ്‌വാദ് പാര്‍ട്ടിയില്‍ ചേര്‍ന്നു. ഉത്തര്‍പ്രദേശില്‍ നിന്ന് ലോക്‌സഭയിലേക്കും എത്തി.
