നടന്‍ കൃഷ്ണകുമാറും ഭാര്യയും നാല് പെണ്‍മക്കളുമെല്ലാം സോഷ്യല്‍മീഡിയയില്‍ നിറഞ്ഞുനില്‍ക്കുകയാണ്. മൂത്ത മകളായ അഹാന കൃഷ്ണ സിനിമകളില്‍ നായികയായി തിളങ്ങുകയുമാണ്. ഞാന്‍ സ്റ്റീവ് ലോപസ് ആയിരുന്നു അഹാനയുടെ ആദ്യ സിനിമ.
പിന്നീട് അഹാനയ്ക്ക് ഞണ്ടുകളുടെ നാട്ടില്‍ ഒരിടവേള, ലൂക്ക തുടങ്ങിയ സിനിമകളില്‍ നല്ല കഥാപാത്രങ്ങള്‍ ലഭിച്ചു. താരപുത്രിയാണെങ്കിലും താനും നന്നായി കഷ്ടപ്പെട്ട് തന്നെയാണ് സിനിമയില്‍ പിടിച്ച് നില്‍ക്കുന്നതെന്ന് അഹാന പറഞ്ഞിരുന്നു.
സോഷ്യല്‍മീഡിയയില്‍ ഒത്തിരി സജീവമാണ് അഹാന. തന്റെ വിശേഷങ്ങളും പുത്തന്‍ ചിത്രങ്ങളുമെല്ലാം താരം ആരാധകരുമായി പങ്കുവെക്കാറുണ്ട്. ഇപ്പോഴിതാ വിക്കിപീഡിയയില്‍ തന്നെ പറ്റി എഴുതിയ ഒരു തെറ്റായ കാര്യത്തെ കുറിച്ച് തുറന്ന് സംസാരിക്കുകയാണ് താരം.
വിക്കി പീഡിയയില്‍ താന്‍ ദുല്‍ഖര്‍ സല്‍മാന്റെ ചിത്രം നിരസിച്ചിട്ടുണ്ടെന്ന് കാണിക്കുന്നത് ഒരു തെറ്റായ കാര്യമാണ്. അതില്‍ സത്യമില്ലെന്നും ദുല്‍ഖറിന്റെ ഏത് പടമാണ് താന്‍ ചെയ്യാതെ ഒഴിവാക്കിയതെന്ന് അറിയില്ലെന്നും അഹാന പറയുന്നു.
ഒരാളുടെ കരിയര്‍ കാണിക്കുന്ന സ്ഥലത്ത് തെറ്റായ കാര്യമാണ് വിക്കി പീഡിയ എഴുതിയത്. ഇത് താന്‍ പോലും അറിയാത്ത കാര്യമാണെന്നും ഇങ്ങനെ സത്യമല്ലാത്ത കാര്യം എഴുതി വെച്ചിരിക്കുന്നത് ചൂണ്ടിക്കാട്ടി താന്‍ വിക്കിപീഡിയയ്ക്ക് മെയില്‍ അയച്ചിട്ടുണ്ടെന്നും അഹാന പറയുന്നു.
