മലയാളത്തിലെ യുവനടന്മാരില്‍ ഏറെ ആരാധകരുള്ള നടനാണ് ഉണ്ണിമുകുന്ദന്. കുറച്ച് സിനിമകള്‍ മാത്രമാണ് ചെയ്തിരിക്കുന്നതെങ്കിലും താരം തന്റേതായ ഇടം സിനിമയില്‍ കണ്ടെത്തിയിട്ടുണ്ട്.
എന്നാല്‍, ഇപ്പോള്‍ റിയല്‍ ലൈഫ് ഹീറോ ആയതിന് ഉണ്ണിമുകുന്ദന് കയ്യടിക്കുകയാണ് സോഷ്യല്‍ മീഡിയ.
പാലക്കാട് എന്‍എസ്എസ് കോളജിലായിരുന്നു ഉണ്ണിമുകുന്ദന് തന്റെ മസില്‍ പവര്‍ കാണിച്ചത്. കോളെജില്‍ ഒരു ചടങ്ങില്‍ പങ്കെടുക്കാനെത്തിയതായിരുന്നു താരം. ഉണ്ണി മുകുന്ദനെ കണ്ടതോടെ ആരാധകരായ കുട്ടികളുടെ ആവേശം അലതല്ലി.
താരം അടുത്തെത്തിയതോടെ ആവേശം മൂത്ത് സുരക്ഷയ്ക്കായി സ്ഥാപിച്ചിരുന്ന വേലിക്കെട്ട് ഭാരം താങ്ങനാവാതെ താഴേക്ക് നീങ്ങി. എന്നാല്‍ കുട്ടികള്‍ വീഴാതിരിക്കാനായി ആ വേലിക്കെട്ട് ഉണ്ണിമുകുന്ദന് തന്റെ കൈകള്‍ കൊണ്ട് താങ്ങി നിര്‍ത്തി.
താരം തന്നെയാണ് വീഡിയോ സോഷ്യല്‍ മീഡിയയില്‍ പങ്കിവച്ചത്. ഏവരും നിറഞ്ഞ കയ്യടിയോടെയാണ് വീഡിയോ ഏറ്റെടുത്തിരിക്കുന്നത്.
