അടിയന്തരമായി ക്യാമ്പുകളിൽ കഴിയുന്ന സഹോദരങ്ങൾക്ക് അവശ്യസാധനങ്ങൾ വേണം: സുമനസ്സുകളുടെ സഹായം അഭ്യർത്ഥിച്ച് നിവിൻ പോളി

കേരളത്തിൽ മഴ കനത്തതോടെ ജനങ്ങളിലേക്ക് വേഗം സഹായമെത്തിക്കാന്‍ സിനിമാതാരങ്ങളും രംഗത്ത്. തങ്ങളുടെ സോഷ്യല്‍ മീഡിയ അക്കൗണ്ടുകളിലൂടെ വേഗത്തില്‍ സഹായം സാദ്ധ്യമാക്കാനും മുന്നറിയിപ്പുകള്‍ നല്‍കാനും താരങ്ങള്‍
മുന്നിട്ടിറങ്ങിയിരിക്കുകയാണ്. ജനങ്ങളിലേക്ക് വേഗത്തില്‍ വിവരങ്ങള്‍ എത്തിക്കുക എന്ന ഉദ്ദേശ്യത്തോടെയാണിത്.

ദുരിതാശ്വാസ ക്യാമ്പില്‍ കഴിയുന്നവര്‍ക്ക് അടിയന്തരമായി അവശ്യസാധനങ്ങള്‍ വേണമെന്നതിനാല്‍ സുമനസ്സുകളുടെ സഹായം അഭ്യര്‍ത്ഥിച്ച് രംഗത്ത് വന്നിരിക്കുകയാണ് നടന്‍ നിവിന്‍ പോളി. ആവശ്യ സാധനങ്ങളും അതു സ്വീകരിക്കുന്ന സ്ഥലങ്ങളും ഫോണ്‍ നമ്പരും പങ്കുവെച്ചിട്ടുണ്ട്.

നിവിൻ പോളിയുടെ കുറിപ്പ് ഇങ്ങനെ: MOST_URGENT 09.08.2019

മലപ്പുറം ജില്ലയില്‍ പലയിടങ്ങളിലും കനത്ത മഴതുടരുകയാണ്. നിലമ്പൂര്‍ , എടവണ്ണ, വാഴക്കാട് മേഖലകളില്‍ രക്ഷാപ്രവര്‍ത്തനം നടന്നുവരുന്നു, 5000ല് പരം ആള്‍ക്കാരെ ദുരിതാശ്വാസ ക്യാമ്പിലേക്ക് മാറ്റിപാര്‍പ്പിച്ചിട്ടുണ്ട്. ക്യാമ്പുകളില്‍ അടിസ്ഥാന സൗകര്യങ്ങള്‍ ഒരുക്കുന്നതിന് അടിയന്തര നടപടി സ്വീകരിച്ചുവരുന്നു.

ക്യാമ്പുകളില്‍ കഴിയുന്ന നമ്മുടെ സഹോദരങ്ങള്‍ക്ക് അടിയന്തരമായി അവശ്യസാധനങ്ങള്‍ എത്തിക്കേണ്ടതുണ്ട്. ഇതിന് വേണ്ടി സുമനസുകളുടെ സഹായം അഭ്യര്‍ത്ഥിക്കുന്നു. ദുരിതാശ്വാസ ക്യാമ്പിലേക്ക് ആവശ്യമായ സാധനങ്ങളുടേയും അവ എത്തിക്കേണ്ട സ്ഥലങ്ങളുടേയും വിവരം താഴെച്ചേര്‍ക്കുന്നു. ഉപയോഗിച്ച വസ്ത്രങ്ങളും സാമഗ്രികളും സ്വീകരിക്കുന്നതല്ല…

ആവശ്യ സാധനങ്ങള്‍ സ്വീകരിക്കുന്ന സ്ഥലങ്ങള്‍ :

1) ഗവഃ ബോയ്‌സ് ഹയര്‍ സെക്കന്‍ഡറി സ്‌കൂള്‍, മഞ്ചേരി, കച്ചേരിപ്പടി ഫോണ്‍ : 0481 2766121 (ഏറനാട് താലൂക്ക് ഓഫീസ്) 2) കളക്ടറേറ്റ് മലപ്പുുറം ഫോണ്‍ : 0483 2736 320, 0483 2736 326

പായ, കമ്പിളിപ്പുതപ്പ്, അടിവസ്ത്രങ്ങള്‍, മുണ്ട്, നൈറ്റി, കുട്ടികളുടെ വസ്ത്രങ്ങള്‍, ഹവായ് ചെരിപ്പ്സാ, നിറ്ററി നാപ്കിന്‍, സോപ്പ്,
ടൂത്ത് ബ്രഷ്, ടൂത്ത് പേസ്റ്റ്, ഡെറ്റോള്‍, സോപ്പ് പൗഡര്‍, ബ്ലീച്ചിംഗ് പൗഡര്‍, ക്ലോറിന്‍, ബിസ്‌ക്കറ്റ്.

അരി, പഞ്ചസാര, ചെറുപയര്‍, പരിപ്പ്, കടല, വെളിച്ചെണ്ണ, നാളികേരം, പച്ചക്കറി, ബ്രഡ്, ബേബി ഫുഡ്, കറി പൌഡറുകള്‍.