കൊച്ചി: വെസ്റ്റ് ഇൻഡീസ് പര്യടനത്തിനുള്ള ഇന്ത്യൻ ടീമിനെ പ്രഖ്യാപിച്ചു. മൂന്ന് ഏകദിനം, മൂന്ന് ട്വന്റി ട്വന്റി, രണ്ട് ടെസ്റ്റ് എന്നിവക്കെയുള്ള ടീമിനെയാണ് പ്രഖ്യാപിച്ചത്. മഹേന്ദ്ര സിങ് ധോണിക്ക് വിശ്രമം അനുവദിച്ചപ്പോൾ ലോകകപ്പിൽ പരിക്കേറ്റ് പുറത്തിരുന്ന ശിഖർ ധവാൻ ടീമിൽ തിരിച്ചെത്തി. യുവാക്കൾക്ക് പ്രാതിനിധ്യം കൊടുത്താണ് ടീമിനെ തെരഞ്ഞെടുത്തത്. മൂന്നു ഫോർമാറ്റിലും കോഹ്ലി തന്നെയാണ് ക്യാപ്റ്റൻ. രാഹുൽ ചഹർ, ഖലീൽ അഹമ്മദ്, നവദീപ് സൈനി എന്നിവരാണ് പുതുമുഖങ്ങൾ. ഋഷഭ് പന്താണ് വിക്കറ്റ് കീപ്പർ. ഇന്ത്യയുടെ വിൻഡീസ് പര്യടനത്തിനുള്ള ടീമിനെ പ്രഖ്യാപിച്ചപ്പോൾ സ്വയം ഒഴിവായ മഹേന്ദ്ര സിങ് ധോണിക്കു പകരം വിക്കറ്റ് കീപ്പറായി ഋഷഭ് പന്ത് ഇടം പിടിച്ചു. ടെസ്റ്റ്, ഏകദിന, ട്വന്റി20 ഫോർമാറ്റുകളിലും ഇന്നുതന്നെ ടീമുകളെ പ്രഖ്യാപിച്ചു. രോഹിത് ശർമയെ ടെസ്റ്റ് ടീമിൽ ഉൾപ്പെടുത്തിയിട്ടുണ്ട്. മൂന്ന് ഫോർമാറ്റിലും പന്ത് സ്ഥാനം പിടിച്ചപ്പോൾ ടെസ്റ്റിൽ വൃദ്ധിമാൻ സാഹയെക്കൂടി ഉൾപ്പെടുത്തി. കഴിഞ്ഞവർഷം ജനുവരിയിലാണ് സാഹ അവസാനമായി അന്താരാഷ്ട്ര മത്സരം കളിച്ചത്. അതേസമയം ഏകദിന, ട്വന്റി20 പരമ്പരകളിൽനിന്ന് ജസ്പ്രീത് ബുംറയ്ക്കും ഹാർദിക് പാണ്ഡ്യക്കും വിശ്രമം നൽകി. എന്നാൽ ബുംറയെ ടെസ്റ്റ് പരമ്പരയിൽ നിലനിർത്തി. ടെസ്റ്റിൽ ബുംറയ്ക്കൊപ്പം മുഹമ്മദ് ഷമി, ഭുവനേശ്വർ കുമാർ, ഇഷാന്ത് ശർമ എന്നിവരും കളിക്കും. ഹാർദിക്കിന്റെ സഹോദരൻ ക്രുണാൾ പാണ്ഡ്യയെ ട്വന്റി20 പരമ്പരയിൽ ഉൾപ്പെടുത്തി. 
ടെസ്റ്റ് പരമ്പരയിൽ രവിചന്ദ്രൻ അശ്വിൻ, രവീന്ദ്ര ജഡേജ, കുൽദീപ് യാദവ് എന്നിവരാണ് സ്പിന്നർമാരായെത്തുക. വിരാട് കോഹ്ലി തന്നെയാണ് മൂന്ന് ഫോർമാറ്റിലും ക്യാപ്റ്റൻ. നേരത്തേ ലിമിറ്റഡ് ഓവർ ഫോർമാറ്റുകളിൽ കോഹ്ലി കളിച്ചേക്കില്ലെന്ന അഭ്യൂഹങ്ങളുണ്ടായിരുന്നു. ലോകകപ്പിൽ പരിക്കേറ്റ് പുറത്തുപോയ ശിഖർ ധവാൻ ഏകദിന ട്വന്റി20 ടീമിൽ ഉൾപ്പെട്ടപ്പോൾ പരിക്കേറ്റ മറ്റൊരു താരമായ വിജയ് ശങ്കറെ ഉൾപ്പെടുത്തിയില്ല. ഓഗസ്റ്റ് മൂന്നിന് മൂന്ന് മത്സരങ്ങളുള്ള ട്വന്റി20 പരമ്പരയോടെയാണ് ഇന്ത്യൻ പര്യടനം ആരംഭിക്കുക. മൂന്ന് ഏകദിനങ്ങളും രണ്ട് ടെസ്റ്റുകളും പര്യടനത്തിലുണ്ട്. ഇത് എട്ടിന് തുടങ്ങി 30-നാണ് അവസാനിക്കുക. ഈ രണ്ട് ടെസ്റ്റുകളും ഐ.സി.സി വേൾഡ് ടെസ്റ്റ് ചാമ്പ്യൻഷിപ്പിന്റെ ആദ്യ എഡിഷന്റെ ഭാഗമാകും. ലോകകപ്പിൽ സെമിയിൽ പുറത്തായ ഇന്ത്യയുടെ അതിനുശേഷമുള്ള ആദ്യ പര്യടനം കോച്ച് രവി ശാസ്ത്രിക്കു വെല്ലുവിളിയാകും. ശാസ്ത്രിയുടെ ഭാവി തീരുമാനിക്കുന്നത് ഈ പര്യടനമാകുമെന്നാണു വിലയിരുത്തപ്പെടുന്നത്. ഏകദിന ടീം: വിരാട് കോഹ്ലി(ക്യാപ്റ്റൻ) രോഹിത് ശർമ്മ(വൈസ് ക്യാപ്റ്റൻ), ശിഖർ ധവാൻ, ഋഷഭ് പന്ത് (വിക്കറ്റ് കീപ്പർ), കെ എൽ രാഹുൽ, ശ്രേയസ് അയ്യർ, മനീഷ് പാണ്ഡെ, യുസ്വേന്ദ്ര ചഹൽ, മുഹമ്മദ് ഷമി, ഖലീൽ അഹമ്മദ്, നവദീപ് സൈനി, ബുവനേശ്വർ കുമാർ, രവീന്ദ്ര ജഡേജ, കുൽദീപ് യാദവ്, കേദാർ ജാദവ് 20-20 ടീം: വിരാട് കോഹ്ലി(ക്യാപ്റ്റൻ) രോഹിത് ശർമ്മ(വൈസ്), ശിഖർ ധവാൻ, ഋഷഭ് പന്ത് (വിക്കറ്റ് കീപ്പർ), കെ എൽ രാഹുൽ, ശ്രേയസ് അയ്യർ, മനീഷ് പാണ്ഡെ, യുസ്വേന്ദ്ര ചഹൽ, മുഹമ്മദ് ഷമി, ഖലീൽ അഹമ്മദ്, നവദീപ് സൈനി, ബുവനേശ്വർ കുമാർ, രവീന്ദ്ര ജഡേജ, വാഷിംഗ്ടൺ സുന്ദർ, കൃണാൽ പാണ്ട്യ, രാഹുൽ ചഹർ, ദീപക് ചഹർ ടെസ്റ്റ് ടീം: വിരാട് കോഹ്ലി(ക്യാപ്റ്റൻ), അജിൻക്യ രഹാനെ(വൈസ്), മായങ്ക് അഗർവാൾ, സി പൂജാര, ഹനുമ വിഹാരി, രോഹിത് ശർമ, ഋഷഭ് പന്ത്, കെ എൽ രാഹുൽ, വൃദ്ധിമാൻ സാഹ(വിക്കറ്റ് കീപ്പർ), ആർ അശ്വിൻ, കുൽദീപ് യാദവ്, ഇഷാന്ത് ശർമ്മ, ഉമേഷ് യാദവ്, ജസ്പ്രീത് ബുംറ, രവീന്ദ്ര ജഡേജ, മുഹമ്മദ് ഷമി
