ദേവാസുരം, ആറാം തമ്പുരാന്‍, രാവണപ്രഭു, ഉസ്താദ്, സ്പിരിറ്റ് എന്നിങ്ങനെ നിരവധി ഹിറ്റ് ചിത്രങ്ങള്‍. ഈ ചിത്രങ്ങളെല്ലാം പറയുമ്ബോള്‍ നമുക്ക് ഓര്‍മ്മ വരുന്നത് മോഹന്‍ലാല്‍ – രഞ്ജിത് കൂട്ടുകെട്ട് തന്നെയായിരിക്കും. നാടന്‍ വേഷത്തില്‍ മുണ്ട് ധരിച്ച്‌ മീശയും പിരിച്ച്‌ അഡാറ് ഡയലോഗുമായി എത്തുന്ന ലാലേട്ടന്‍ രഞ്ജിത്ത് ചിത്രങ്ങളുടെ ഒരു പ്രത്യേകതയാണ്.
താരത്തിന്റെ മീശ പിരിക്കല്‍ ഹിറ്റാണെങ്കിലും ഇതില്‍ ഏറ്റവും കൂടുതല്‍ പഴിക്കേട്ടയാള്‍ സംവിധായകന്‍ രഞ്ജിത് ആകും എന്നതില്‍ യാതൊരു സംശയവും വേണ്ട. സാമൂഹമാധ്യമങ്ങളിലെ ചലച്ചിത്ര പ്രേമികളുടെ കൂട്ടായ്മയ്ക്ക് നല്‍കിയ അഭിമുഖത്തില്‍ രഞ്ജിത് ഇക്കാര്യത്തെക്കുറിച്ച്‌ തുറന്നുപറഞ്ഞിരിക്കുകയാണിപ്പോള്‍.
ലാലേട്ടന്‍ മീശ പിരിച്ചാല്‍ ആ സിനിമ സൂപ്പര്‍ ഹിറ്റാകുമെന്നെ് വിശ്വസിച്ച ഒരു കാലഘട്ടമുണ്ടായിരുന്നു മലയാള സിനിമയ്ക്ക്. അങ്ങനെ വിശ്വസിക്കാന്‍ കാരണവുമുണ്ടായിരുന്നു. രാജാവിന്റെ മകന്‍ മുതല്‍ പിന്നീടുള്ള എല്ലാ ചിത്രങ്ങളും പരിശേധിച്ചാലും ഇത് വ്യക്തമാകും. ലാലേട്ടന്‍ മീശ പിരിച്ചാല്‍ ആ സിനിമ 100 ദിവസം തിയേറ്ററുകളില്‍ ഒടിയിരിക്കും.
മലയാള സിനിമയില്‍ ആദ്യ കാലഘട്ടത്തില്‍ മീശ പിരിച്ചിരുന്നത് വില്ലന്മാരും ഹാസ്യ താരങ്ങളുമായിരുന്നു. എന്നാല്‍ ഇത് രാജാവിന്റെ മകനില്‍ എത്തിയപ്പോള്‍ വിന്‍സന്റ് ഗോമസ് എന്ന കഥാപാത്രത്തിന് മീശയുടെ അല്‍പം ഒന്ന് പിരിച്ചു വച്ചാല്‍ ഭംഗിയുണ്ടാകുമെന്ന് തോന്നി കാണുമായിരിക്കും. ദേവസുരം എന്ന ചിത്രത്തില്‍ അത് നന്നായി എന്നു മാത്രമാണ് പറഞ്ഞിരുന്നത്.
എന്നാല്‍ പിന്നീട് ‘മോഹന്‍ലാലിനെ മീശ പിരിപ്പിച്ചു’ എന്നൊക്കെ പറയുകയായിരുന്നു. മോഹന്‍ലാലിനെ പിന്നീടും മീശ പിരിപ്പിച്ച്‌ ചെയ്ത ചിത്രമായിരുന്നു നരസിംഹമെന്നും രഞ്ജിത്ത് പറഞ്ഞു.
