ഇന്ത്യക്ക് ലോകകപ്പിൽ നേരിടേണ്ടി വരുക ഈ ഗുരുതര പ്രശ്നം; തുറന്ന് പറഞ്ഞ് പൂജാര

ഇത്തവണ ഇംഗ്ലണ്ടിലും വെയിൽസിലുമായി നടക്കുന്ന ഏകദിന ലോകകപ്പിന് ദിവസങ്ങൾ മാത്രം അവശേഷിക്കെ ടീം ഇന്ത്യക്ക് പിഴയ്ക്കാൻ സാധ്യതയുള്ള കാര്യങ്ങൾ തുറന്നു പറഞ്ഞ് ചേതേശ്വർ പൂജാര.

ശക്തമായ ടീമാണ് നമ്മുടേതെങ്കിലും ഇംഗ്ലണ്ടിലേത് ഫാസ്റ്റ് പിച്ചുകളാണ്. സ്പിന്നർമാർക്ക് കാര്യങ്ങൾ ഒട്ടും അനുകൂലമാകില്ല.

ഇക്കാര്യം മാത്രമാകും വിരാട് കോഹ്ലിയേയും സംഘത്തെയും ബാധിക്കുക. വിക്കറ്റുകൾ സ്വന്തമാക്കാൻ നമ്മുടെ ബോളർമാർ പുതിയ മാർഗങ്ങൾ തേടേണ്ടി വരും.

ഏകദിന മത്സരങ്ങളിൽ വിക്കറ്റെടുക്കുകയെന്നത് നിർണായകമാണ്. അല്ലെങ്കിൽ റണ്ണൊഴുകും.

ഫ്‌ലാറ്റ് ട്രാക്കുകളിൽ കളിക്കുമ്പോൾ ബോളിംഗായിരിക്കും ഏറെ പ്രധാനപ്പെട്ടതെന്നും മുംബൈയിൽ ഒരു സ്വകാര്യ ചടങ്ങിൽ സംസാരിക്കവെ ടെസ്റ്റ് താരമായ പൂജാര പറഞ്ഞു