ഇത്തവണത്തെ ലോക കപ്പിലെ ഫ്ളോപ്പ് ഇലവനെ തിരഞ്ഞെടുത്ത് ആരാധകർ. സോഷ്യൽ മീഡിയയിലെ വിവിധ സ്പോട്സ് ഗ്രൂപ്പുകളിലാണ് ആരാധകർ ഫ്ളോപ്പ് ഇലവനെ തിരഞ്ഞെടുത്തിരിക്കുന്നത്.
രണ്ട് ഇന്ത്യൻ താരങ്ങളേയും ഈ ടീമിലേക്ക് ആരാധകർ നിർദേശിക്കുന്നുണ്ട്. പാകിസ്താൻ നായകൻ സർഫറാസ് അഹമ്മദിനേയാണ് നായകനായി തിരഞ്ഞെടുത്തിരിക്കുന്നത്. ലോക കപ്പിൽ ടീമിനെ അഞ്ചാമതെത്തിക്കാനായെങ്കിലും നായകനെന്ന നിലയിൽ സർഫറാസ് പരാജയമായിരുന്നു.
പലപ്പോഴും സർഫറാസിന്റെ തീരുമാനങ്ങൾ ആരാധകർക്കിടയിൽ രൂക്ഷവിമർശനത്തിനിടയാക്കി. ഇന്ത്യൻ താരങ്ങളായ കേദർ ജാദവും കുൽദീപ് യാദവുമാണ് പരാജയപ്പെട്ട ലോകഇലവനിൽ ഇടംപിടിച്ചത്.
ബാറ്റ് കൊണ്ട് ദയനീയ പ്രകടനം കാഴ്ച്ചവെച്ചതാണ് കേദറിന് വിനയായതെങ്കിൽ മോശം ബൗളിംഗ് പ്രകടനമാണ് കുൽദീപിന് തിരിച്ചടിയായത്. ക്രിസ് ഗെയിലും മാർട്ടിൻ ഗപ്റ്റിലുമാണ് ടീമിന്റെ ഓപ്പണർമാർ.
മൂന്നമതായി ഹാഷിം അംല സ്ഥാനം പിടിച്ചു. നാലാം സ്ഥാനത്താണ് കേദർ കളിക്കുക. ഗ്ലെൻ മാക്സ് വെൽ അഞ്ചാമതും ഷുഹൈബ് മാലിക്ക് ആറാമതായും ടീമിലിടം പിടിച്ചു. സർഫറാസാണ് വിക്കറ്റ് കീപ്പർ ബാറ്റ്സ്മാൻ. റാഷിദ് ഖാനും കുൽദീപും ്സ്പിന്നർമാരായും മഷ്റഫെ മുർത്തസയും കാഗിസോ റബാദയും പേസർമാരായും ഫ്ളോപ്പ് ഇലവനിലുണ്ട്.
