പാർക്ക് ചെയ്തിരുന്ന പൊലീസ് ജീപ്പിന് മുൻപിൽ ഐസ്‌ക്രീമും നുണഞ്ഞു നിൽക്കുന്ന നാടോടി കുട്ടികളുടെ ചിത്രം സോഷ്യൽമീഡിയയിൽ വൈറലാകുന്നു.
വിശപ്പിന്റെ വിളിയല്ലേ സാറേ എന്ന് ആരോ തലക്കെട്ട് നൽകിയ ഈ ചിത്രം വ്യാപകമായാണ് പ്രചരിക്കുന്നത്.
പൊലീസ് ജീപ്പിന് മുന്നിൽ കളിക്കാൻ വന്നിരുന്ന കുഞ്ഞുങ്ങളും അവരെ നോക്കി നിൽക്കുന്ന പൊലീസുകാരനുമാണ് ഈ ചിത്രത്തിന് ജീവൻ നൽകുന്നത്.
വാഹനത്തിന് മുന്നിൽ കളിച്ചുകൊണ്ടിരുന്ന കുട്ടികൾക്ക് പൊലീസുകാരൻ തന്നെയാണ് ഐസ്‌ക്രീം വാങ്ങിക്കൊടുത്തതെന്നും സമൂഹമാധ്യമങ്ങളിൽ ചിലർ വ്യക്തമാക്കുന്നു
നൻമ നിറഞ്ഞ പൊലീസുകാരനും ജീപ്പിന് മുന്നിൽ കളിക്കാനെത്തിയ ഈ കുഞ്ഞുങ്ങളും ആരുടെയും മനസ് നിറയ്ക്കുന്നതാണ്.
ഔദ്യോഗിക ആവശ്യങ്ങൾക്കായി ജീപ്പ് പാർക്ക് ചെയ്ത് പോയ ശേഷം മടങ്ങി വരുമ്‌ബോഴാണ് ജീപ്പിന് മുന്നിൽ മൂന്നു കുഞ്ഞുങ്ങളെ കണ്ടത്.
ഇതോടെ സമീപത്തെ കടയിൽ നിന്നും മൂന്നുപേർക്കും ഇദ്ദേഹം ഐസ്‌ക്രീം വാങ്ങിക്കൊടുക്കുകയായിരുന്നു.
സമൂഹമാധ്യമങ്ങളിൽ വൈറലായ ഈ ചിത്രം ഒട്ടേറെ പേരാണ് പങ്കുവച്ചിരിക്കുന്നത്. നൻമയുടെ ഈ പൊലീസുകാരനും അഭിനന്ദനം ഏറെയാണ്.
