കോട്ടയത്ത് ആനയെ കുളിപ്പിക്കുന്നതിനിടെ പാപ്പാന് ദാരുണ അന്ത്യം. ആനയെ കുളിപ്പിക്കുന്നതിനിടയിൽ പാപ്പാൻ ആനയുടെ അടിയിലേക്ക് തെന്നി വീഴുകയായിരുന്നു
ആലപ്പുഴ: ആന പാപ്പാൻ ആനയെ കുളിപ്പിക്കുന്നതിനിടയിൽ തെന്നി വീണ് ആനയുടെ അടിയിൽ പെട്ട് മരിച്ചു. സംഭവത്തിന്റെ സിസിടിവി ദൃശ്യം പുറത്തു വന്നു.
അബദ്ധത്തില്‍ ആനയുടെ അടിയില്‍പ്പെട്ട് പാപ്പാന് ദാരുണാന്ത്യം. ആലപ്പുഴ ചെന്നിത്തല സ്വദേശി അരുണ്‍ പണിക്കര്‍ എന്ന ആനപാപ്പാന്‍ ആണ് അപകടത്തില്‍ പെട്ടത്.
കോട്ടയത്ത് ഭാരത് വിശ്വനാഥന്‍ എന്ന ആനയെ കുളിപ്പിക്കുന്നതിനിടെയാണ് അപകടം. ഇന്ന് രാവിലെ കോട്ടയത്ത് കാരാപ്പുഴയിലാണ് സംഭവം.
അരുണ്‍ കിടക്കാനേ എന്ന് പറഞ്ഞപ്പോള്‍ പാപ്പാന് നില്‍ക്കുന്ന വശത്തേക്ക് ആന കിടന്നു. മറ്റേ വശത്തേക്ക് കിടക്കാന്‍ ആനയോട് പറയുന്നതിനിടെ പാപ്പാന് തെന്നി ആനക്കടിയിലേക്ക് വീഴുകയായിരുന്നു.
മറ്റ് പാപ്പാന്‍മാര്‍ എത്തി ആനയെ എണീപ്പിച്ച ശേഷം പാപ്പാനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
