ടെലിവിഷന്‍ പ്രേക്ഷകര്‍ക്ക് ഏറെ സുപരിചിതയായ താരങ്ങളിലൊരാളാണ് ചന്ദ്ര ലക്ഷ്മണ്‍. പൃഥിരാജിന്റെ നായികയായി സിനിമയില്‍ തിളങ്ങുകയും സീരിയലുകളിലൂടെ കുടുംബ പ്രേക്ഷകരുടെ ഇഷ്ടതാരമായി മാറുകയും ചെയ്ത നടിയാണ് ചന്ദ്ര ലക്ഷ്മണ്‍. സിനിമാ സീരിയല്‍ രംഗത്ത് നിന്നും ഇപ്പോള്‍ പിന്മാറിയിരിക്കുന്ന ചന്ദ്ര സോഷ്യല്‍ മീഡിയയില്‍ സജീവമാണ്.
കഴിഞ്ഞ ദിവസം താരം ഫേസ്ബുക്കില്‍ പുതിയ ഫോട്ടോ പോസ്റ്റ് ചെയ്തിരുന്നു. സോഷ്യല്‍ മീഡിയയില്‍ പ്രചരിക്കുന്ന ഒരു ചിത്രമാണ് ചന്ദ്രയെ വീണ്ടും വാര്‍ത്തകളില്‍ നിറയ്ക്കുന്നത്. ഒരു ക്ഷേത്ര ദര്‍ശനത്തിനിടയില്‍ എടുത്ത ചിത്രം സോഷ്യല്‍ മീഡിയയില്‍ താരം പങ്കുവച്ചിരുന്നു. ഇത് എവിടെയാണെന്ന് പല ആരാധകരും ചോദിച്ചു. ശബരിമലയുടെ രൂപ സാദൃശ്യമുള്ള ചിത്രമാണ് താരം പങ്കുവച്ചിരിക്കുന്നത്. ശബരമിലയിലേക്ക് സ്ത്രീകള്‍ക്ക് പ്രവേശനമില്ലല്ലോശബരിമലയെ അനുസ്മരിപ്പിക്കുന്ന തരത്തിലുള്ള ചിത്രങ്ങള്‍ കണ്ടതോടെ കിഷോര്‍ സത്യയും ഇതേ സംശയം ചോദിച്ചിരുന്നു.
സംഭവത്തെ കുറിച്ച്‌ കിഷോര്‍ സത്യ എഴുതിയ പോസ്റ്റ്:
ഒന്നാമത് വെള്ളമൊഴുകി പമ്പ കരകവിഞ്ഞു ഒഴുകി ത്രിവേണി പാലം പോലും മണ്ണിനടിയില്‍ ആണെന്നാണ് വാര്‍ത്ത. അപ്പോള്‍ ആര്‍ക്കും പമ്പ കുറുകെ കടക്കാന്‍ പോലും പറ്റില്ല .അതു കൂടാതെ സ്ത്രീകളെ പമ്പയില്‍ വച്ച്‌ പോലീസ് തടയും. മല കയറാന്‍ അനുവദിക്കുകയുമില്ല . അപ്പോള്‍ ഇതെങ്ങനെ…..?! ആകെ കണ്‍ഫ്യൂഷന്‍ ആയല്ലോ….? സൂക്ഷിച്ചു നോക്കിയപ്പോള്‍ എന്തോ ഒരു പന്തികേട് …ഒരു പത്തു പതിനഞ്ചു കൊല്ലം മുന്‍പുള്ള ശബരിമല പോലെ…!!
പതിനെട്ടാം പടിയിലൊന്നും സ്വര്‍ണ്ണനിറമില്ല…! !.മുകളില്‍ തത്വമസി എന്ന ബോര്‍ഡും കാണുന്നില്ല …!!….വീണ്ടും ആശയക്കുഴപ്പമായല്ലോ …?! ഇനി വല്ല സിനിമക്കും വേണ്ടി ശബരിമലയുടെ സെറ്റിട്ടതിന്റെ മുന്‍പില്‍ നിന്നെടുത്ത പടമായിരിക്കുമോ ?!. . ചന്ദ്രയെ തന്നെ വിളിച്ചു ചോദിക്കാം അപ്പോള്‍ കാര്യം അറിയാമല്ലോ . വിളിച്ചു. സംഗതി സത്യമാണ് പക്ഷെ ശബരിമല അല്ല എന്ന് മാത്രം. ശബരിമലയുടെ അതെ മാതൃകയില്‍ ചെന്നൈയില്‍ ഒരു ക്ഷത്രം ഉണ്ട്.അതിന്റെ മുന്‍പില്‍ രാവിലെ നിന്ന് എടുത്ത പടമായിരുന്നു അത്….!!
ചന്ദ്ര ലക്ഷ്മണ്‍ ശബരിമലയില്‍ എന്നും പറഞ്ഞുള്ള വ്യാജന്മാര്‍ ഉടന്‍ ഇറങ്ങിയേക്കും…ജാഗ്രതൈ …..
സ്വാമിയേ ശരണമയ്യപ്പാ …
