സയ്യിദ് മുഷ്താഖ് അലി ടി20 ട്രോഫിയില്‍ കേരളത്തിന് കൂറ്റന്‍ ജയം. മണിപ്പൂരിനെ 83 റണ്‍സിന് തോല്‍പിച്ചാണ് കേരളം ആദ്യ മത്സരത്തില്‍ ജയം ആസ്വദിച്ചത്. സ്‌കോര്‍: കേരളം : 186-5 മണിപ്പൂര്‍ 103-7
ടോസ് നേടി ബാറ്റിംഗ് തിരഞ്ഞെടുത്ത കേരളം, നായകന്‍ സച്ചിന്‍ ബേബിയുടേയും വിക്കറ്റ് കീപ്പര്‍ മുഹമ്മദ് അസ്ഹറുദ്ദീന്റേയും തകര്‍പ്പന്‍ ബാറ്റിംഗ് മികവിലാണ് മികച്ച ജയം സ്വന്തമാക്കിയത്.
സച്ചിന്‍ 46 പന്തുകളില്‍ 10 ബൗണ്ടറികളുടെ സഹായത്തോടെ 75 റണ്‍സും അസ്ഹറുദ്ദീന്‍ 26 പന്തുകളില്‍ 47 റണ്‍സും സ്വന്തമാക്കി. 20 പന്തില്‍ 34 റണ്‍സെടുത്ത വിഷ്ണു വിനോദും കേരളത്തിന് മികച്ച പിന്തുണയാണ്. നല്‍കിയത്.
മറുപടി ബാറ്റിംഗിനിറങ്ങിയ മണിപ്പൂര്‍ 20 ഓവറില്‍ കേവലം 103 റണ്‍സെടുക്കാനെ ആയുളളു. 40 റണ്‍സെടുത്ത യശ്പാല്‍ സിംഗാണ് മണിപ്പൂരിന്റെ ടോപ് സ്‌കോറര്‍.
കേരളത്തിനായി ബൗള്‍ ചെയ്ത ആറ് താരങ്ങളും ഓരോ വിക്കറ്റ് വീതം സ്വന്തമാക്കി എന്ന പ്രത്യേകതയും ഈ മത്സരത്തിനുണ്ട്.
