കാക്കനാട്ടെ ഫ്ളാറ്റിൽ ന്യൂയർ ആഘോഷം ലഹരിയിൽ മുക്കി നടത്തുന്നതിനിടെ പിടിയിലായ സംഘത്തെ കുറിച്ച് പുറത്ത് എത്തുന്നത് ഞെട്ടിക്കുന്ന വിവരങ്ങളാണ്. പിടിയിലായ 20കാരി മറിയം ബിജു യുവതികളെയും ചെറുപ്പക്കാരെയും ആകർഷിച്ച് ലഹരി ഉപയോഗിക്കാൻ പ്രേരിപ്പിക്കുകയും പിന്നീട് വിതരണക്കാരായി മാറ്റുന്നു എന്നുമാണ് പുറത്തെത്തുന്ന വിവരം.
മറിയം ബിജുവിന്റെ ഫോണിൽ നിന്നും ലഹരി ഉപയോഗിക്കുന്ന നിരവധി യുവതികളുടെ ദൃശ്യങ്ങൾ അന്വേഷണ സംഘത്തിന് ലഭിച്ചിട്ടുണ്ട്. ഈ ദൃശ്യങ്ങൾ ഉപയോഗിച്ച് ഭീഷണിപ്പെടുത്തിയാണ് യുവതികളെ ലഹരി വിതരണക്കാരാക്കി മാറ്റുന്നതെന്നാണ് റിപ്പോർട്ടുകൾ.
ALSO READ
ഇടുക്കി തൊടുപുഴ സ്വദേശിനിയായ മറിയം ബിജുവിനൊപ്പം കൊല്ലം ഓച്ചിറ സ്വദേശി റിജു(38), കരുനാഗപ്പള്ളി സ്വദേശി നജീബ്(40) കായംകുളം ഭരണിക്കാവ് സ്വദേശി അനീഷ്(25), കോഴിക്കോട് നെന്മണ്ട സ്വദേശി ഷിനോ മെർവിൻ(28) എന്നിവരാണ് പിടിയിലായത്. പുതുവത്സരം കൊഴിപ്പിക്കാനായി ലഹരി മരുന്നുമായി എത്തിയപ്പോഴാണ് സംഘം പിടിയിലായത്. കാക്കനാട് മില്ലുപടി ജങ്ഷനു സമീപമുള്ള ഹോളീ ഫെയ്ത് ലേക്ക് വ്യൂ എന്ന ഫ്ളാറ്റിൽ നിന്നുമാണ് മാരക മയക്കുമരുന്നായ എം.ഡി.എം.എയും ഹാഷിഷുമടക്കമുള്ളവയുമായി സംഘം പിടിയിലായത്.
പുതുവത്സരാഘോഷവുമായി ബന്ധപ്പെട്ട് ലഹരി സംഘങ്ങൾ സജീവമാകുമെന്ന വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ലഹരി മരുന്ന് ഉപയോഗിച്ചിരുന്ന സംഘത്തെ പിടികൂടിയത്. പിടിയിലായ അഞ്ച് പേരും മയക്കുമരുന്ന് വിൽപ്പന നടത്തിയിരുന്നവരാണ്. യുവതിയുടെ മൊബൈൽ സന്ദേശങ്ങൾ പരിശോധിച്ചപ്പോൾ ലഹരി ഉപയോഗിക്കുന്ന മറ്റ് യുവതികളുടെ വിവരങ്ങളും പോലീസ് സംഘത്തിന് ലഭിച്ചിട്ടുണ്ട്. പ്രിതകളിൽ ഒരാളായ അനീഷിന്റെ വിവാഹം അടുത്ത മാസം നിശ്ചയിച്ചിരുന്നു. എറണാകുളത്ത് ജോലിക്ക് പോവുകയാണെന്ന് പറഞ്ഞായിരുന്നു ഇയാൾ ഇവിടേക്ക് എത്തിയത്. പിന്നീട് ലഹരി സംഘത്തിന്റെ പിടിയിൽ പെട്ടു.
ALSO READ
അതേസമയം പോലീസിനെ കണ്ട് ഫളാറ്റിന് മുകളിൽ നിന്നും താഴേക്ക് ചാടിയ യുവാവിന് പരുക്ക് പറ്റുകയായിരുന്നു. കായംകുളം പുതുപ്പള്ളി സ്വദേശി അതുൽ ഫ്ളാറ്റിന്റെ എട്ടാം നിലയിൽ നിന്നും താഴേക്ക് ചാടി പരുക്കേറ്റ് ആശുപത്രിയിൽ കഴിഞ്ഞ് വരികയാണ്. പരിക്ക് ഭേദമാകുന്ന മുറക്ക് ഇയാളുടെ അറസ്റ്റ് രേഖപ്പെടുത്തും. കഴിഞ്ഞ ദിവസം 11 മണിയോടെയാണ് സംഘം പോലീസ് പിടിയിലായത്. പോലീസിനെ കണ്ട് അതുൽ രക്ഷപ്പെടാൻ ശ്രമിക്കുകയായിരുന്നു. ഇതിനായി അതുൽ താഴേക്ക് ചാടി.
കാർ ഷെഡ്ഡിന്റെ അലുമിനിയം ഷീറ്റിലേക്ക് വീണ് പരുക്ക് പറ്റുകയായിരുന്നു. ഷീറ്റ് തുളച്ചു താഴെ വീഴുകയായിരുന്നു. തോളെല്ലിനാണ് പരുക്ക് പറ്റിയിരിയ്ക്കുന്നത്. ഇയാളെ ഇപ്പോൾ കാക്കനാട് സ്വകാര്യ ആശുപത്രിയിൽ പ്രവേശിപ്പിച്ചിരിയ്ക്കുകയാണ്. ഒരു വൻ റാക്കറ്റ് തന്നെ ഇതിന് പിന്നിൽ പ്രവർത്തിയ്ക്കുന്നുണ്ടെന്നാണ് റിപ്പോർട്ടുകൾ സ്‌കൂൾ കോളേജ് വിദ്യാർത്ഥികളെ ആണ് ഇവർ കൂടുതലും വലയിലാക്കുന്നത്.
