അർച്ചന കവി സഞ്ചരിച്ചിരുന്ന കാറിനു മുകളിലേയ്ക്ക് പാലത്തിന്റെ കോൺക്രീറ്റ് തകർന്നു വീണു, നടി രക്ഷപെട്ടത് തലനാരിഴയ്ക്ക്, ഞെട്ടിക്കുന്ന സംഭവം കൊച്ചിയിൽ വെച്ച്

നടി അർച്ചന കവി സഞ്ചരിച്ചിരുന്ന കാറിനു മുകളിലേയ്ക്ക് കൊച്ചി മെട്രോയുടെ പാലത്തിന്റെ കോൺക്രീറ്റ് പാളികൾ അടർന്നു വീണ് അപകടം.

കൊച്ചി വിമാനത്താവളത്തിലേയ്ക്ക് പോകുന്നതിനിടെയാണ് അപകടം. അർച്ചനയ്ക്കൊപ്പം പിതാവ് ജോസ് കവിയും കാറിൽ ഉണ്ടായിരുന്നു.

ഇരുവരും പുറകിലെ സീറ്റിൽ ഇരുന്നതിനാൽ വലിയ അപകടം ഒഴിവായി. അപകടത്തിൽ കാറിന്റെ മുൻഭാഗം തകർന്നു.

സംഭവം അർച്ചന തന്നെയാണ് സോഷ്യൽ മീഡിയയിലൂടെ പങ്കുവെച്ചത്. ഓല ക്യാബിലായിരുന്നു യാത്ര. പെട്ടെന്നാണ് ഇവരുടെ കാറിനു മുമ്പിലെ ചില്ലിലേയ്ക്ക് കോൺക്രീറ്റ് പാളി അടർന്നു വീണത്.

കാർ ഓടുന്നതിനിടെ ഉണ്ടായ അപകടത്തിൽ വിൻഡോ തകർന്ന്, പാളികൾ മുന്നിലെ സീറ്റിലേയ്ക്കും പതിച്ചു.

സംഭവത്തിൽ കൊച്ചി മെട്രോ അധികൃതരും പൊലീസും ഇടപെടണമെന്ന് അർച്ചന അഭ്യർത്ഥിച്ചു.

ഭാവിയിൽ ഇത്തരം സംഭവങ്ങൾ ആവർത്തിക്കാതിരിക്കാൻ മുൻകരുതലുകൾ സ്വീകരിക്കണമെന്നും അർച്ചന പോസ്റ്റിൽ പറഞ്ഞു. കാറിന്റെ ചില്ല് തകർന്ന ചിത്രങ്ങൾക്കൊപ്പമാണ് അർച്ചനയുടെ പോസ്റ്റ്.