പേസ് ബൗളർ മുഹമ്മദ് ഷമി ഇന്ത്യൻ ക്രിക്കറ്റ് ടീമിലെ ഒഴിച്ചു കൂടാനാവാത്ത താരമാണ് . എന്നാൽ ഷമിയുടെ കുടുംബജീവിതം കഴിഞ്ഞ കുറേ നാളുകളായി അസ്വസ്ഥമാണ്. ഭാര്യ ഹസിൻ ജഹാനുമായുള്ള പ്രശ്നങ്ങൾ പല വിവാദത്തിനും വഴിവെച്ചിരുന്നു.
ഇപ്പോൾ വീണ്ടും ഷമിക്കെതിരെ ആരോപണവുമായി ഭാര്യ ഹസിൻ ജഹാൻ രംഗത്തെത്തിയിരിക്കുകയാണ്. ഷമി ടിക് ടോക്ക് അക്കൗണ്ടിൽ പിന്തുടരുന്നത് പെൺകുട്ടികളെ മാത്രമാണെന്നും ഷമി നാണം കെട്ടവനാണെന്നുമാണ് ഹസിന്റെ അവകാശവാദം.
തന്റെ ഫേസ്ബുക്ക് അക്കൗണ്ടിലൂടെയാണ് ഹസിൻ ഷമിക്കെതിരെ രംഗത്തു വന്നത്. ഈയിടെയാണ് ഷമി ടിക് ടോക്കിൽ അക്കൗണ്ട് തുറന്നത്. ഇപ്പോൾ 97 പേരെ ഷമി ഫോളോ ചെയ്യുന്നുണ്ട്.
എന്നാൽ ഇതിൽ 90 പേരും പെൺകുട്ടികളാണെന്നാണ് ഹസിൻ ജഹാൻ പറയുന്നത്. ഷമി 97 പേരെ ടിക് ടോക്കിൽ പിന്തുടരുന്നുണ്ട്. എന്നാൽ അതിൽ 90 പേരും പെൺകുട്ടികളാണ്. അദ്ദേഹത്തിന് ഒരു മകളുണ്ട്, എന്നിട്ടും അദ്ദേഹത്തിന് ഒരു നാണവുമില്ല. പോസ്റ്റിലൂടെ ഹസിൻ പറയുന്നു.
