മലയാളത്തിന്റെ താരരാജവ് മോഹൻലാലിനെ നായകാനക്കി പൃഥ്വിരാജ് സുകുമാരൻ സംവിധാനം ചെയ്ത് ലൂസിഫർ റെക്കാഡ് വിജയമായിരുന്നു മലയാളത്തിൽ നേടിയത്.
200 ക്ലബ്ബിലെത്തിയ ചിത്രത്തിൽ ഏറെ കൈയടി കിട്ടിയ സീനായിരുന്നു മോഹൻലാൽ പൊലീസ് ഓഫിസറുടെ നെഞ്ചിൽ ചവിട്ടി നിൽക്കുന്ന രംഗം.
ജോൺ വിജയ് അവതരിപ്പിച്ച മയിൽ വാഹനം എന്ന പൊലീസ് ഓഫിസർ നായകനെ അറസ്റ്റ് ചെയ്തു കൊണ്ടു പോകുന്ന രംഗത്തിന്റെ മേക്കിംഗ് വീഡിയോ അണിയറ പ്രവർത്തകർ പുറത്തു വിട്ടു.
സംഘട്ടന സംവിധായകന്റെ സഹായമില്ലാതെയാണ് പൃഥ്വിരാജ് ഈ രംഗം ഷൂട്ട് ചെയ്തത്. ലൂസിഫറിന്റെ 19ാമത്തെ മേക്കിംഗ് വീഡിയോയാണിത്.
മോഹൻലാലിന് ഓരോ ചുവടുകളും പൃഥ്വി പറഞ്ഞു കൊടുക്കുന്നത് വീഡിയോയിൽ കാണാം. നേരത്തേയും സിനിമയുടെ ചിത്രീകരണ രംഗങ്ങൾ പുറത്ത് വിട്ടിരുന്നു.
ഏറെ പ്രേക്ഷക പ്രശംസ നേടി ചിത്രത്തിൽ ബോളിവുഡ് താരം വിവേക് ഒബ്‌റോയ്, മഞ്ജു വാര്യർ, ടൊവിനോ തോമസ്, ഇന്ദ്രജിത് എന്നിവരും പ്രധാന കഥാപാത്രങ്ങ്രളെ അവതരിപ്പിച്ചു.
ആശിർവാദ് സിനിമാസിന്റെ ബാനറിൽ ആന്റണി പെരുമ്ബാവൂർ ആണ് ചിത്രം നിർമ്മിച്ചത്.
