ഒത്തിരി ആരാധകരുള്ള യൂട്യൂബ് താരമാണ് അര്‍മാന്‍ മാലിക്ക്. അടുത്തിടെ താരം തന്റെ രണ്ട് ഭാര്യമാര്‍ക്കുമൊപ്പമുള്ള ചിത്രം സോഷ്യല്‍മീഡിയയില്‍ പങ്കുവെച്ചിരുന്നു. ഇതിന് പിന്നാലെ ട്രോളുകളില്‍ നിറയുകയാണ് അര്‍മാന്‍ മാലിക്.
ഗര്‍ഭിണികളായ തന്റെ രണ്ട് ഭാര്യമാര്‍ക്കുമൊപ്പമുള്ള ചിത്രമാണ് താരം പങ്കുവെച്ചത്. കൃതികയ്ക്കും പായലിനുമൊപ്പമുള്ള ചിത്രങ്ങളായിരുന്നു അര്‍മാന്‍ ഇന്‍സ്റ്റഗ്രാമില്‍ പങ്കുവെച്ചത്. എന്റെ കുടുംബം എന്ന അടിക്കുറിപ്പും നല്‍കിയിരുന്നു.
ഈ ചിത്രത്തിന് പിന്നാലെയാണ് നെറ്റിസണ്‍സ് ട്രോളുകള്‍. നിരവധി ട്രോളുകളാണ് ചിത്രവുമായി ബന്ധപ്പെട്ട് സോഷ്യല്‍മീഡിയയില്‍ നിറഞ്ഞത്. ചിത്രത്തിന് താഴെ കമന്റുകളും ഉയരുന്നുണ്ട്.
പായലിനേക്കാള്‍ കൂടുതല്‍ സ്‌നേഹം കൃതികയോടാണെന്നും എപ്പോഴും കൃതികയോടൊപ്പമുള്ള ചിത്രങ്ങളാണ് പങ്കുവെക്കുന്നതെന്നും എന്തുകൊണ്ടാണ് കൃതികയോട് മാത്രം ഇത്ര സ്‌നേഹം കാണിക്കുന്നതെന്നും കമന്റുകളിലൂടെ ആരാധകര്‍ ചോദിക്കുന്നു.
അതേസമയം സന്തുഷ്ട കുടുംബം എന്നൊക്കെ ചിലരും കമന്റ് ചെയ്തിട്ടുണ്ട്. 2011ലാണ് അര്‍മാന്‍ പായലിനെ വിവാഹം ചെയ്തത്. ഇരുവര്‍ക്കും ചിരായു എന്നൊരു മകനുണ്ട്. 2018 ല്‍ ആയിരുന്നു കൃതികയുമായുള്ള വിവാഹം.
