മലയാളത്തിലെ യുവതാരങ്ങളില്‍ മിന്നില്‍ നില്‍ക്കുന്നയാളാണ് നടന്‍ പൃഥ്വിരാജ്. നിരവധി ആരാധകരാണ് താരത്തിനുള്ളത്. അദ്ദേഹത്തിന്റെ അഭിനയമികവ് വ്യക്തമാക്കി തരുന്ന ഒത്തിരി നല്ല ചിത്രങ്ങള്‍ ഇതിനോടകം പുറത്തുവന്നിട്ടുണ്ട്. പൃഥ്വിരാജ് അഭിനയിച്ച മിക്ക ചിത്രങ്ങളും വന്‍ ഹിറ്റായിരുന്നു.
വളരെ ചെറുപ്പത്തിലാണ് താന്‍ സിനിമയിലെത്തിയതെന്നും സിനിമയ്‌ക്കൊപ്പം വളരുകയായിരുന്നുവെന്നും നടന്‍ സൂര്യ ടിവിക്ക് നല്‍കിയ അഭിമുഖത്തില്‍ താരം പറഞ്ഞിരുന്നു.
Also Read: മെഹന്തി ഡേ, വിവാഹവിശേഷങ്ങളുമായി സീരിയല്‍ താരം അഖിന, ഞെട്ടി ആരാധകര്‍, പിന്നാലെ ആശംസാപ്രവാഹം
അടുത്തിടെയായിരുന്നു താരത്തിന്റെ നാല്‍പത്തിയൊന്നാം പിറന്നാള്‍. സിനിമാ ലോകത്തെ പ്രമുഖരടക്കം പൃഥ്വിരാജിന് പിറന്നാള്‍ ആശംസകളുമായി രംഗത്തെത്തിയിരുന്നു മോഹന്‍ലാല്‍, മമ്മൂട്ടി, സുരേഷ് ഗോപി, ദുല്‍ഖര്‍ സല്‍മാന്‍, ജയസൂര്യ തുടങ്ങിയവരൊക്കെ സോഷ്യല്‍ മീഡിയയിലൂടെ പൃഥ്വിരാജിന് ആശംസകള്‍ അറിയിച്ചു.
പൃഥ്വിരാജിന്റെ പിറന്നാള്‍ ദിനത്തില്‍ പുറത്തുവിട്ട പുതിയ ചിത്രത്തിന്റെ ഫസ്റ്റ് ലുക്ക് പോസ്റ്ററാണ് ഇന്നും ആരാധകര്‍ക്കിടിയില്‍ ചര്‍ച്ചയാവുന്നത്. ഖലീഫ എന്ന് പേരിട്ടിരിക്കുന്ന ചിത്രം പൃഥ്വിരാജിന്റെ ജന്മദിനത്തിലാണ് പ്രഖ്യാപിച്ചത്. വൈശാഖാണ് ചിത്രത്തിന്റെ സംവിധാനം.
കേരളക്കര ഒന്നടങ്കം ആഘോഷമാക്കിയ പോക്കിരിരാജ എന്ന ഹിറ്റ് ചിത്രത്തിന് ശേഷം പൃഥ്വിരാജും വൈശാഖും ഒന്നിക്കുന്ന ചിത്രമാണ് ഖലീഫ. അതുകൊണ്ടുതന്നെ ചിത്രം ആരാധകര്‍ക്ക് വലിയ പ്രതീക്ഷയാണ് നല്‍കുന്നത്. ആക്ഷന് ഏറെ പ്രാധാന്യം നല്‍കിയാണ് ചിത്രം ഒരുക്കുന്നത്.
ദുബായ്, നേപ്പാള്‍ എന്നിവിടങ്ങളിലായിരിക്കും ചിത്രത്തിന്റെ ലൊക്കേഷനുകള്‍ എന്നാണ് വിവരം. ചിത്രത്തിന്റെ തിരക്കഥ ഒരുക്കിയിരിക്കുന്നത് ജിനു വി എബ്രഹാമാണ്. ഖലീഫയുടെ ചിത്രീകരണം അടുത്ത വര്‍ഷം മാര്‍ച്ചില്‍ ആരംഭിക്കുമെന്നാണ് വിവരം.
