ആനന്ദം എന്ന സിനിമയിലൂടെ മലയാള സിനിമയിലേയ്ക്ക് കടന്ന് വന്ന വിശാഖ് നായരുടെ മുഖം എല്ലാ മലയാളികൾക്കും സുപരിചിതമാണ്. 2016ൽ യുവാക്കൾ ആഘോഷമാക്കിയ ആനന്ദം എന്ന സിനിമയിലെ കുപ്പി എന്ന കഥാപാത്രമായി മലയാള സിനിമാലോകത്ത് കടന്നുവന്ന താരമാണ് വിശാഖ്.
ALSO READ
താൻ വിവാഹിതനാകാൻ ഒരുങ്ങുകയാണെന്ന് അറിയിച്ചിരിക്കുകയാണ് താരം. ഇൻസ്റ്റഗ്രാമിലൂടെ തന്റെ പ്രതിശ്രുത വധുവിനെ പരിചയപ്പെടുത്തിയിരിക്കുകയാണ് വിശാഖ്. ജയപ്രിയ നായർ എന്നാണ് വധുവിന്റെ പേര്.
ഹൃദയസ്പർശിയായ കുറിപ്പോടെ ജയപ്രിയയ്‌ക്കൊപ്പമുള്ള ചിത്രങ്ങൾ പങ്കുവച്ചാണ് വിശാഖ് വിവാഹ വാർത്ത അറിയിച്ചിരിക്കുന്നത്. ആരാധകരും സുഹൃത്തുക്കളുമടക്കം ഒട്ടേറെ പേരാണ് താരത്തിന് ആശംസകളറിയിച്ചിരിക്കുന്നത്. ഗണേഷ് രാജ് സംവിധാനം ചെയ്ത ആനന്ദം സൗഹൃദത്തിന്റെ കഥ പറഞ്ഞ ചിത്രമായിരുന്നു.
ALSO READ
ഒരു കൂട്ടം പുതുമുഖങ്ങൾ ഒന്നിച്ച ചിത്രത്തിലെ വിശാഖിന്റെ കുപ്പി എന്ന കഥാപാത്രത്തെ പ്രേക്ഷകർ ഇരുകൈയും നീട്ടിയാണ് സ്വീകരിച്ചത്. അതിന് ശേഷം നിരവധി സിനിമകളുടെ ഭാഗമായി വിശാഖ്. പുത്തൻപണം, ചങ്ക്‌സ്, ആന അലറലോടലറൽ, ചെമ്പരത്തിപ്പൂ, മാച്ച്‌ബോക്‌സ്, ലോനപ്പന്റെ മാമോദീസ എന്നീ ചിത്രങ്ങളുടേയും ഭാഗമായിരുന്നു വിശാഖ്.
