മണിയൻപിള്ള രാജുവിന്റെ മകൻ ബഹിരാകാശത്തേക്ക് റോക്കറ്റ് വിട്ടെന്നു ഇവരൊക്കെ എഴുതുമോ? ; വൈറലായി നിരഞ്ജന്റെ വാക്കുകൾ

‘മണിയൻപിള്ള രാജുവിന്റെ മകൻ’ പോലീസ് കസ്റ്റഡയിൽ എന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന വാർത്തയിൽ വിശദീകരണവുമായി നിരഞ്ജ് മണിയൻപിള്ള രാജു രംഗത്ത്. 2018ൽ പൊലീസിൽ നിന്നും പെറ്റിയടിച്ചെന്ന് ഒരഭിമുഖത്തിൽ പറഞ്ഞ വാക്കുകളാണ് താൻ അറസ്റ്റിലായെന്ന തരത്തിൽ ചിലർ വളച്ചൊടിച്ചതെന്ന് നിരഞ്ജ് പറയുന്നുണ്ട്.

‘ഞാൻ പോലീസ് കസ്റ്റഡയിൽ എന്നു പറഞ്ഞു കുറേ പേജുകളിൽ വാർത്ത വരുന്നുണ്ട്. 2018ൽ ഒരു പെറ്റി അടിച്ചതിനെപ്പറ്റി ഒരഭിമുഖത്തിൽ പറഞ്ഞതിനാണ് ഇങ്ങനെ. ഇനി ഭാവിയിൽ ഞാൻ കുട്ടിക്കാലത്ത് മരത്തിലേക്ക് കല്ലെറിഞ്ഞിട്ടുണ്ടെന്ന് പറഞ്ഞാൽ, മണിയൻപിള്ള രാജുവിന്റെ മകൻ ബഹിരാകാശത്തേക്ക് റോക്കറ്റ് വിട്ടെന്നു ഇവരൊക്കെ എഴുതുമോ?’നിരഞ്ജ് സമൂഹമാധ്യമത്തിൽ കുറിച്ചു.

ALSO READ

എപ്പോഴെങ്കിലും അത് പ്രലോഭിപ്പിച്ചിട്ടുണ്ടോ; മഞ്ജു വാര്യർ പറഞ്ഞ മറുപടി കേട്ടോ

‘മണിയൻപിള്ള രാജുവിന്റെ മകൻ പൊലീസ് പിടിയിൽ; ഞെട്ടലോടെ താര ലോകം’ എന്ന തലക്കെട്ടോടെയാണ് ചില ഓൺലൈൻ മാധ്യമങ്ങളിൽ വാർത്ത കൊടുത്തിരിയ്ക്കുന്നത്. പണ്ട് ഓവർസ്പീഡിൽ യാത്ര ചെയ്തതിന് പൊലീസ് പെറ്റിയടിച്ചിട്ടുണ്ട് എന്ന നിരഞ്ജിന്റെ വെളിപ്പെടുത്തലാണ് തെറ്റായ രീതിയിൽ ചിലർ വളച്ചൊടിച്ച് വാർത്ത കൊടുത്തത്.

ALSO READ

ആരാധകർ എന്നും പറഞ്ഞു ആളുകൾ പുറകെ കൂടുന്നത് ഒന്നും എനിക്ക് ഇഷ്ടംമല്ല, പെട്ടന്ന് ദേഷ്യം വരുന്ന ഒരാളാണ് ഞാൻ: തുറന്നു പറഞ്ഞ് നടി നിഖില വിമൽ

2013 ൽ ‘ബ്ലാക്ക് ബട്ടർഫ്ളൈ’ എന്ന ചിത്രത്തിലൂടെയാണ് നിരഞ്ജ് സിനിമയിലേക്ക് എത്തിയത്. ആറോളം സിനിമകൾ പൂർത്തിയാക്കിയ നിരഞ്ജിന്റെ ഏറ്റവും പുതിയ സിനിമ ‘ഒരു താത്വിക അവലോകനം’ ആണ്.