യൂട്യൂബ് വീഡിയോയിലൂടെയും റിയാലിറ്റി ഷോയിലൂടെയുമൊക്കെയായി പ്രേക്ഷകർക്ക് സുപരിചിതരായി മാറിയവരാണ് മീത്ത് മിറി. സോഷ്യൽമീഡിയയിൽ സജീവമായ ഇരുവരും പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. കുഞ്ഞതിഥിയുടെ വരവ് കാത്തിരിക്കുകയാണ് ഇരുവരും. ഗർഭിണിയായത് മുതലുള്ള വിശേഷങ്ങളെല്ലാം ഇരുവരും സോഷ്യൽമീഡിയയിലൂടെ പങ്കിടുന്നുണ്ട്. ഗർഭിണിയായതിന് ശേഷം ഡാൻസ് ചെയ്യുന്നതുമായി ബന്ധപ്പെട്ട് പലരും മിറിയെ വിമർശിച്ചിരുന്നു. കാര്യങ്ങളറിയാതെയാണ് പലരും ഇതേക്കുറിച്ച് പറയുന്നത്. ഗർഭിണി ഡാൻസ് ചെയ്യുന്നത് വിമർശിക്കുന്നവർക്കുള്ള മറുപടിയുമായെത്തിയിരിക്കുകയാണ് ഇരുവരും.
ഗർഭധാരണം ഒരു രോഗമല്ല, ഓരോ പെൺകുട്ടിയും സ്വപ്നം കാണുന്ന ഒരു നിമിഷമാണ്. ഈ നിമിഷത്തെക്കുറിച്ച് അവരെ ഭയപ്പെടുത്തുന്നത് അവസാനിപ്പിക്കുക. അവർ എടുക്കുന്ന ഓരോ ചുവടും കുഞ്ഞിന് ദോഷം ചെയ്യുന്നതാണെന്ന് വ്യാഖ്യാനിക്കരുത്. അവരെ സന്തോഷിപ്പിക്കുന്നത് നമുക്ക് ചെയ്യാം. അവരെ ഭയപ്പെടുത്തുന്നതിനുപകരം അവരെ സുഖപ്പെടുത്തുകയും അവരെ പിന്തുണയ്ക്കുകയും ചെയ്യുക. ഗർഭാവസ്ഥയിൽ ഒരു പെൺകുട്ടി എങ്ങനെയുള്ള അവസ്ഥയിലൂടെയാണ് കടന്നുപോകുന്നതെന്ന് നിങ്ങൾക്കറിയില്ല. അതൊരു ചെറിയ കാര്യമല്ല. അവർക്ക് ഒരുപാട് ഹോർമോൺ വ്യതിയാനങ്ങൾ ഉണ്ടാകും, അവർക്ക് മൂഡ് സ്വിംഗ്‌സുണ്ടാവും.
ALSO READ
ഗർഭിണിയാണെന്നറിഞ്ഞപ്പോൾ റിതുഷയോടുള്ള എന്റെ ബഹുമാനവും സ്‌നേഹവും കൂടുതൽ ഉയർന്നു. ഭാര്യ ഗർഭിണിയാകുമ്പോൾ ആ സുന്ദര നിമിഷത്തിന് ഭർത്താവും കുടുംബവും ഉത്തരവാദികളാകും. എന്റെ അമ്മയ്ക്ക് ഭക്ഷണം കൊടുക്കുന്ന വീഡിയോ ഞാൻ പോസ്റ്റ് ചെയ്തപ്പോൾ, അത് ഷോയാണ്, ഇത് വീഡിയോയ്ക്ക് വേണ്ടി എടുത്തതാണ്, ഇത് യഥാർത്ഥമല്ല, അവർ നിർബന്ധിച്ച വീഡിയോയ്ക്ക് വേണ്ടി ചെയ്യിച്ചതാണെന്ന് നിരവധി വിമർശകർ പറഞ്ഞു. ഭക്ഷണം കൊടുക്കാൻ, അവൾക്ക് നൃത്തം ചെയ്യാൻ കഴിയും, പിന്നെ എന്തുകൊണ്ടാണ് അവൾക്ക് തനിയെ ഭക്ഷണം കഴിക്കാൻ കഴിയാത്തത്. അതിനാൽ ഇത് വ്യക്തമാക്കട്ടെ ‘ഗർഭധാരണം ആരെങ്കിലും മനസ്സിലാക്കുന്നുവെങ്കിൽ അത് അമ്മയ്ക്ക് മാത്രമേ മനസ്സിലാകൂ.
ഗർഭകാലത്ത് പെൺകുട്ടികൾക്ക് കൂടുതൽ മാനസികാരോഗ്യം ആവശ്യമാണ്, അപ്പോൾ ശാരീരിക ആരോഗ്യവും വരും. എന്നാൽ സമൂഹം പ്രേരിപ്പിക്കുന്നത് എല്ലാ കെട്ടുകഥകളും തെറ്റായ അഭിപ്രായങ്ങളും മറ്റും കടത്തിവിട്ട് മാനസിക ശക്തി ആദ്യം തകർക്കുക എന്നതാണ്. അപ്പോൾ പെൺകുട്ടികൾ വിഷാദരോഗം, സമ്മർദ്ദം മുതലായവയ്ക്ക് വിധേയരാകുന്നു, അവൾ കൃത്യമായി എന്താണ് അനുഭവിക്കുന്നതെന്ന് ആരും മനസ്സിലാക്കുന്നില്ല. അവിടെയുള്ള എല്ലാ ഭർത്താക്കന്മാരോടും കുടുംബാംഗങ്ങളോടും ഞാൻ അഭ്യർത്ഥിക്കുന്നു, ദയവായി നിങ്ങളുടെ പെൺമക്കളുടെയും ഭാര്യയുടെയും കാര്യങ്ങൾ ശ്രദ്ധിക്കുക, അവർക്ക് നിങ്ങളുടെ പിന്തുണയും പരിചരണവും ആവശ്യമാണ്, നിങ്ങളുടെ അഭിപ്രായം പറയാൻ മൂന്നാമതൊരാളെ ഒരിക്കലും അനുവദിക്കരുത്. അവ നിങ്ങളുടെ ഏറ്റവും നല്ല സന്തോഷ നിമിഷങ്ങളെ നശിപ്പിക്കുകയേയുള്ളൂ. അവളുടെ ഹൃദയ സന്തോഷം മാത്രം പിന്തുടരുക, എന്തെങ്കിലും ബുദ്ധിമുട്ടുള്ള സാഹചര്യങ്ങൾ വന്നാൽ, അയൽവാസികളുടെ അഭിപ്രായത്തിനല്ല, ഡോക്ടർമാരുടെ അടുത്തേക്കാണ് പോവേണ്ടതെന്നും മീത്ത് ഫേസ്ബുക്കിൽ കുറിച്ചിരുന്നു.
ALSO READ
ഗർഭിണിയായതിന് ശേഷം തിരിഞ്ഞ് കിടക്കുമ്പോൾ സൂക്ഷിക്കണം എന്ന് പലരും പറഞ്ഞിരുന്നു. അതേപോലെ തന്നെ ഡാൻസ് ചെയ്യുന്നതിനേയും പലരും വിമർശിച്ചിരുന്നു. പൊക്കിൾക്കൊടി കുട്ടിയെ ചുറ്റുമെന്നായിരുന്നു വിമർശകർ പറഞ്ഞത്. പൊക്കിൾക്കൊടി ചുറ്റുന്നത് കുട്ടിയുടെ മൂവ്മെന്റ് അനുസരിച്ചായിരിക്കും, നമ്മുടെ മൂവ്മെന്റ് അതിനെ ബാധിക്കില്ല. നീയൊക്കെ ഇങ്ങനെ കളിച്ചോടി, കുട്ടിയെ പൊക്കിൾക്കൊടി ചുറ്റുമ്പോൾ അറിയാമെന്നായിരുന്നു ചിലർ പറഞ്ഞത്. അതൊന്നും സ്നേഹത്തോടെയല്ല എന്നറിയാം.
ഗർഭിണികളോട് ഇങ്ങനെയുള്ള കാര്യങ്ങൾ പറഞ്ഞ് ഭയപ്പെടുത്തരുത്. അമ്മയുടെ മൂവ്മെന്റ് അനുസരിച്ചല്ല കുട്ടി നീങ്ങുന്നത്. ഇത് പണ്ടുമുതലേ പറഞ്ഞുവന്ന കാര്യമാണ്, അതൊരു മിത്താണ്. സ്‌കാനിംഗിലൂടെയൊക്കെയായി നമുക്ക് ഇതേക്കുറിച്ച് അറിയാൻ പറ്റും. നല്ല സ്ട്രസ്ഡായിരിക്കും പ്രഗ്‌നന്റായവർ. അവരോട് ഇങ്ങനെയുള്ള കാര്യങ്ങൾ പറഞ്ഞ് പേടിപ്പിക്കരുതെന്നുമായിരുന്നു ഇരുവരും പറഞ്ഞത്
