തമിഴ് സിനിമയിലെ മുത്താണ് മക്കൾ സെൽവനെന്ന് അറിയപ്പെടുന്ന വിജയ് സേതുപതി. ആദ്യം ചെറിയ സപ്പോർട്ടിങ്ങ് റോളുകളിലാണ് സേതുപതി സിനിമയിൽ അഭിനയിച്ച് തുടങ്ങിയത്. അഞ്ച് വർഷത്തോളം ചെറിയ വേഷങ്ങളിൽ ഒതുങ്ങി നിന്ന താരം 2010 ൽ പുറത്തിറങ്ങിയ തെന്മേർക്ക് പരുവകട്രിന എന്ന സിനിമയിലൂടെയാണ് ആദ്യം നായകനായെത്തുന്നത്.
വൈവിധ്യമാർന്ന വേഷങ്ങളിലൂടെ ആരാധകരെ സൃഷ്ടിച്ച താരം മുൻ നിര നായകന്മാരുടെ വില്ലനായും അഭിനയിച്ചിട്ടുണ്ട്. ആ വേഷങ്ങൾ എല്ലാം തന്നെ താരത്തിന് നേടി കൊടുത്തത് പ്രശംസകളാണ്. ഇപ്പോഴിതാ താരം ഇൻഡ്യാഗ്ലിറ്റ്‌സിന് നല്കിയ അഭിമുഖമാണ് വൈറലാകുന്നത്.
നായകനായി അഭിനയിക്കുമ്പോൾ എന്തിനാണ് വില്ലൻ വേഷങ്ങൾ ചെയ്യുന്നത് എന്നുള്ള ചോദ്യത്തിന് വിജയ് സേതുപതി നല്കിയ മറുപടി ഇങ്ങനെ; ‘ വിജയ് സാറിന്റെയും, രജനി സാറിന്റെയും കമൽ സാറിന്റെയുമെല്ലാം ഫാൻസ് വളരെ അധികമുണ്ട്. ഇപ്പോൾ ഞാൻ ഷാരൂഖ് ഖാനൊപ്പെവും അഭിനയിച്ചു. വില്ലൻ എന്ന് പറയുന്നത് ഒരു പവറാണ്. യഥാർത്ഥ ജീവിതത്തിൽ അതിന് കഴിയില്ല.’
മോശമായി പെരുമാറാനുള്ള ലൈസൻസാണ് സ്‌ക്രീനിൽ വില്ലൻ വേഷം. എല്ലാവരിലും ഒരു വില്ലൻ ഉണ്ട്. വില്ലൻ വേഷങ്ങൾ ചെയ്യുമ്പോൾ ഒരുപാട് സ്വാതന്ത്യമുണ്ട്. നീ എന്ത് വിചാരിച്ചാലും എനിക്ക് എന്താണ്, ഞാൻ ആരാണെന്ന് അറിയാമോ എന്നൊക്കെ വില്ലന് മാത്രമേ പറയാൻ കഴിയു. റിയൽ ലൈഫിൽ ഒരു വില്ലനാകാൻ നമുക്ക് കഴിയില്ല.
നിലവിൽ ഡിഎസ്പി എന്ന ചിത്രമാണ് താരത്തിന്റേതായി തിയ്യറ്ററിൽ എത്തിയിരിക്കുന്നത്. മികച്ച പ്രതികരണമാണ് ചിത്രത്തിന് ലഭിച്ചുക്കൊണ്ടിരിക്കുന്നത്. സീമരാജ എന്ന ചിത്രത്തിന് ശേഷം പൊൻറാം സംവിധാനം ചെയ്ത ചിത്രമാണ് ഡിഎസ്പി
