സിനിമാ പ്രേമികളെ തകർപ്പൻ മേക്കോവറിലെത്തി അത്ഭുതപ്പെടുത്തിയിരിക്കുകയാണ് നടൻ വിജയരാഘവൻ.
പൃഥ്വിരാജിനെ നായകനാക്കി കലാഭവൻ ഷാജോൺ സംവിധാനം ചെയ്യുന്ന ‘ബ്രദേഴ്സ് ഡേ’ എന്ന ചിത്രത്തിലാണ് വിജയരാഘവൻ തകർപ്പൻ മേക്കോവറിലെത്തുന്നത്.
ചിത്രത്തിന്റെ ലൊക്കേഷനിൽ നിന്നു പുറത്തു വന്ന ചിത്രങ്ങൾ കഴിഞ്ഞ ദിവസങ്ങളിൽ സോഷ്യൽ മീഡിയയിൽ വൈറലായിരുന്നു.
ടിഷർട്ടും കൂളിംഗ് ഗ്ലാസും ജീൻസും ധരിച്ച് ചുള്ളൻ ലുക്കിലായിരുന്നു വിജയരാഘവൻ. ഇപ്പോഴിതാ വിജയരാഘവന്റെ ചെത്ത് ലുക്കിലുള്ള പോസ്റ്ററും പുറത്തു വിട്ടിരിക്കുകയാണ് ചിത്രത്തിന്റെ അണിയറ പ്രവർത്തകർ.
ടിഷർട്ടും കൂളിംഗ് ഗ്ലാസും ജീൻസും ധരിച്ച് നടി മഡോണയോടൊപ്പം ബുള്ളറ്റിൽ പോകുന്ന വിജയരാഘവനാണ് പോസ്റ്ററിൽ.
‘ഒരു ഫ്രീക്കനും പെണ്ണും’എന്ന തലക്കെട്ടോടെ നടൻ പൃഥ്വിരാജാണ് പോസ്റ്റർ പങ്കുവെച്ചിരിക്കുന്നത്.
ഈ പോസ്റ്ററിനും മികച്ച സ്വീകാര്യതയാണ് സോഷ്യൽ മീഡിയയിൽ ലഭിക്കുന്നത്. പൃഥ്വിരാജ് നായകനായെത്തുന്ന ചിത്രത്തിൽ വമ്പൻ താര നിര തന്നെ അണിനിരക്കുന്നുണ്ട്.
ഷാജോൺ തന്നെയാണ് ഈ ചിത്രത്തിന്റെ രചനയും നിർവഹിച്ചിരിക്കുന്നത്. ഈ വർഷം ഓണം റിലീസ് ആയി എത്തിക്കാൻ പ്ലാൻ ചെയ്തിരിക്കുന്ന ചിത്രത്തിന്റെ ഷൂട്ടിംഗ് അതിന്റെ അവസാന ഘട്ടത്തിൽ ആണ്.
ഒരു ആക്ഷൻ കോമഡി എന്റെർടെയ്‌നർ ആയിരിക്കും ബ്രദേഴ്സ് ഡേ എന്നാണ് സൂചന. ഈ ചിത്രത്തിന്റേതായി ഇതുവരെ പുറത്തു വന്നിട്ടുള്ള പോസ്റ്ററുകൾ എല്ലാം തന്നെ പ്രേക്ഷക ശ്രദ്ധ നേടിയെടുത്തിട്ടുണ്ട്.
ഐശ്വര്യ ലക്ഷ്മി, മഡോണ സെബാസ്റ്റ്യൻ എന്നിവരും ഈ ചിത്രത്തിന്റെ താര നിരയുടെ ഭാഗം ആണ്.
