ഫഹദ് ഫാസിലിന്റെ അഭിനയം കാണാന്‍ മാത്രം ലൊക്കേഷനില്‍ പോയി നില്‍ക്കുമായിരുന്നു: വിജയ് സേതുപതി

തമിഴകത്തിന്റെ മക്കള്‍ ശെല്‍വം വിജയ് സേതുപതി തമിഴ്നാട്ടിൽ മാത്രമല്ല, കേരളത്തിലും നിരവധി ആരാധകരുള്ള താരമാണ്.

വിജയ്സേതുപതിയും ഫഹദും ഒന്നിച്ചെത്തുന്ന സൂപ്പർ ഡീലക്സ് എന്ന ചിത്രം ആകാംഷയോടെയാണ് പ്രേക്ഷകർ കാത്തിരിക്കുന്നത്.

ഫഹദിനെക്കുറിച്ച് വിജയ്സേതുപതി വനിതയുമായുള്ള അഭിമുഖത്തിൽ മനസുതുറന്നതിങ്ങനെ:

ഡിസംബറിൽ റിലീസാകുന്ന ‘സൂപ്പർ ഡീലക്സ്’ എന്ന സിനിമയിൽ ഞാനും ഫഹദ് ഫാസിലും ഒന്നിച്ചുവരുന്നുണ്ട്. അതിൽ ട്രാൻസ്ജെൻഡറാണ് എന്റെ കഥാപാത്രം. ‘തൊണ്ടിമുതലും ദൃക്സാക്ഷിയും’ കണ്ടപ്പോൾ മുതൽ ഞാൻ ഫഹദിന്റെ ഫാനാണ്.

‘സൂപ്പർ ഡീലക്സി’ൽ ഞങ്ങൾക്ക് ഒന്നിച്ചുള്ള സീനുകളില്ലെങ്കിലും ഫഹദ് അഭിനയിക്കുന്നതു കാണാനായി മാത്രം ലൊക്കേഷനിൽ പോയിരുന്നു. എത്ര റിയലിസ്റ്റിക്കായാണ് അദ്ദേഹം അഭിനയിക്കുന്നത്, സൂപ്പർ ഓസം…- മക്കൾ സെൽവന്റെ വാക്കുകൾ.