ചിമ്പുവിനെ നായകനാക്കി സി സുന്ദര്‍ ഒരുക്കുന്ന വന്താ രാജാവാതാന്‍ വരുവേയുടെ ട്രെയ്‌ലര്‍ പുറത്ത്. സിലമ്പസരന്‍ നായകാനാകുന്ന ചിത്രം ഫെബ്രുവരി ഒന്നിനാണ് തിയ്യേറ്ററുകളിലെത്തുക.
‘വലിയ ഹൃദയമുള്ള ഒരു റൗഡി’ ആയിട്ടാണ് ചിമ്പു ചിത്രത്തിലെത്തുന്നത്. മേഘാ ആകാശ് ആണ് ചിത്രത്തിലെ നായിക.
മണിരത്‌നത്തിന്റെ ചെക്കാ ചിവന്ത വാനം എന്ന ചിത്രത്തില്‍ ചിമ്പുവിന്റെ കഥാപാത്രം പറയുന്ന ഡയലോഗായിരുന്നു ‘വന്താ രാജാവാതാന്‍ വരുവേന്‍’ എന്നത് ശ്രദ്ധേയമാണ്. ഒരു പക്കാ മാസ് എന്റര്‍ടെയ്ന്‍ര്‍ ആയിരിക്കും പുതിയ ചിത്രം എന്നാണ് ട്രെയ്‌ലര്‍ നല്‍കുന്ന സൂചന.
രമ്യ കൃഷ്ണന്‍, പ്രഭു, കാതറിന്‍ തെരേസ, യോഗി ബാബു, മൊട്ട രാജേന്ദ്രന്‍ എന്നിവരും ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
ലെയ്കാ പ്രൊഡക്ഷന്‍ ആണ് ചിത്രം നിര്‍മ്മിക്കുന്നത്. ചെക്കാ ചിവന്ത വാനവും നിര്‍മ്മിച്ചത് ലെയ്കാ പ്രൊഡക്ഷന്‍സ് ആയിരുന്നു.
ഹിപ് ഹോപ് തമിഴ ആണ് ചിത്രത്തിന്റെ സംഗീതം ഒരുക്കുന്നത്. അരുണാചലം, അന്‍പേ ശിവം എന്നീ ചിത്രങ്ങളുടെ സംവിധായകനാണ് സി സുന്ദര്‍.
