മലയാളികളുടെ പ്രിയതാരം ടോവിനോ തോമസ് നായകനായി എത്തിയ പുതിയ ചിത്രമാണ് ‘നടികര്‍’ . സൂപ്പര്‍ സ്റ്റാര്‍ ഡേവിഡ് പടിക്കല്‍ എന്ന കഥാപാത്രത്തെയാണ് ചിത്രത്തില്‍ ടോവിനോ അവതരിപ്പിക്കുന്നത്. മെയ് മൂന്നിന് ആയിരുന്നു നടികര്‍ റിലീസ് ചെയ്തത്. 
ഇപ്പോഴിതാ സിനിമയുടെ ബോക്‌സ് ഓഫീസ് കണക്കുകള്‍ പുറത്തുവന്നിരിക്കുകയാണ്. റിലീസ് ചെയ്ത് ഒരാഴ്ചത്തെ കണക്കാണിത്. ഇന്ത്യയില്‍ ഉടനീളം ഇതുവരെ നടികര്‍ നേടിയത് 4.96 കോടി രൂപയാണെന്ന് സാക്‌നില്‍കിനെ ഉദ്ദരിച്ച് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു.
ഏഴാം ദിവസമായി മെയ് 9ന് ഇന്ത്യയില്‍ നിന്നും 23 ലക്ഷം രൂപയാണ് കളക്ട് ചെയ്തത്. ആഗോള തലത്തില്‍ മൊത്തം അഞ്ച് കോടിയില്‍ താഴെയാണ് നടികര്‍ നേടിയതെന്ന് റിപ്പോര്‍ട്ട് ചെയ്യുന്നു.
ചിത്രത്തില്‍ ടൊവിനോയ്ക്കൊപ്പം മറ്റൊരു പ്രധാന കഥാപാത്രത്തെ അവതരിപ്പിക്കുന്നത് സൗബിന്‍ ഷാഹിറാണ്. ബാല എന്ന കഥാപാത്രത്തെയാണ് സൗബിന്‍ ചിത്രത്തില്‍ അവതരിപ്പിക്കുന്നത്. ധ്യാന്‍ ശ്രീനിവാസന്‍, അനൂപ് മേനോന്‍, ഷൈന്‍ ടോം ചാക്കോ, ലാല്‍, ബാലു വര്‍ഗീസ്, സുരേഷ് കൃഷ്ണ, സംവിധായകന്‍ രഞ്ജിത്ത്, ഇന്ദ്രന്‍സ്, മധുപാല്‍, ഗണപതി, വിജയ് ബാബു, അല്‍ത്താഫ് സലിം, മണിക്കുട്ടന്‍, മേജര്‍ രവി, മൂര്‍, സുമിത്, നിഷാന്ത് സാഗര്‍, അഭിറാം പൊതുവാള്‍, ചന്ദു സലിംകുമാര്‍, ശ്രീകാന്ത് മുരളി, അര്‍ജുന്‍ നന്ദകുമാര്‍, ദിവ്യ പിള്ള, ജോര്‍ഡി പൂഞ്ഞാര്‍, ദിനേശ് പ്രഭാകര്‍, അബു സലിം, ബൈജുക്കുട്ടന്‍, ഷോണ്‍ സേവ്യര്‍, തുഷാര പിള്ള, ദേവി അജിത്, സ്മിനു സിജോ, കൃഷ്ണ സംഗീത്, ലെച്ചു, രജിത്ത്, തിരക്കഥാകൃത്ത് ബിപിന്‍ ചന്ദ്രന്‍,ചെമ്പില്‍ അശോകന്‍, മാലാ പാര്‍വതി, ദേവികാ ഗോപാല്‍ നായര്‍, ബേബി ആരാധ്യ, ജയരാജ് കോഴിക്കോട്, അഖില്‍ കണ്ണപ്പന്‍, ഖയസ് മുഹമ്മദ്, ബേബി വിയ എന്നിവരും ചിത്രത്തില്‍ പ്രധാന വേഷത്തില്‍ എത്തിയിരുന്നു.
