‘മിന്നൽ മുരളി’ രണ്ടാം ഭാഗം വരുന്നുവെന്ന സൂചന നൽകി ടൊവിനോ തോമസ്. താരം സമൂഹമാധ്യമത്തിൽ പങ്കുവച്ച വിഡിയോയിലൂടെയാണ് ഇക്കാര്യം അറിയിച്ചിരിക്കുന്നത്. ‘പറക്കാൻ പഠിക്കുന്നു. അടുത്ത മിഷനു വേണ്ടി പുതിയ പാഠങ്ങൾ പഠിക്കുന്ന മുരളി’. എന്നാണ് വർക്കൗട്ട് വിഡിയോ പങ്കുവച്ച് ടൊവിനോ കുറിച്ചത്.
ALSO READ
ചിത്രത്തിന് രണ്ടാം ഭാഗം ഉണ്ടെന്ന് സംവിധായകൻ ബേസിൽ ജോസഫും വ്യക്തമാക്കിയിരുന്നു. ഔദ്യോഗിക പ്രഖ്യാപനം ഉടനുണ്ടാകും. നിരവധി പേരാണ് ചിത്രത്തിനെ പ്രശംസിച്ച് എത്തുന്നത്. മലയാളത്തിന്റെ സ്വന്തം സൂപ്പർ ഹീറോയുടെ കഥ പറയുന്ന ചിത്രം ഇന്ത്യൻ സിനിമയ്ക്ക് അഭിമാനമായിരിയ്ക്കുകയാണ് നമ്മുക്ക് സ്വന്തമായി ഒരു സൂപ്പർ ഹീറോ ഉണ്ടായിരിയ്ക്കുന്നു എന്നാണ് എല്ലാവരും പറയുന്നത്.
ALSO READ
മിന്നൽ മുരളി കണ്ട് സൂപ്പർഹിറ്റ് സംവിധായകൻ വെങ്കട് പ്രഭുവിന്റെ കമന്റ് ഇങ്ങനെ!
ഡിസംബർ 24ന് നെറ്റ്ഫ്‌ലിക്‌സിൽ റിലീസ് ചെയ്ത ചിത്രത്തിന് ഗംഭീര പ്രതികരണമാണ് ഇന്ത്യയൊട്ടാകെ കിട്ടികൊണ്ടിരിയ്ക്കുന്നത്. ബേസിൽ ജോസഫ് സംവിധാനം ചെയ്ത ചിത്രത്തിൽ ടൊവിനോ തോമസ്, ഗുരു സോമസുന്ദരം, ഫെമിനി, അജു വർഗീസ്, ബൈജു, പി ബാലചന്ദ്രൻ, മാസ്റ്റർ വസിഷ്ഠ് എന്നിവരാണ് പ്രധാനകഥാപാത്രങ്ങളെ അവതരിപ്പിച്ചിരിക്കുന്നത്. ടോവിനോയുടെ കരിയറിലെ തന്നെ ഏറ്റവും വലിയ ബജറ്റിൽ ഒരുക്കിയിരിക്കുന്ന ചിത്രം കൂടിയാണിത്.
