തല അജിത് നായകനായി എത്തുന്ന തമിഴ് ചിത്രമാണ് തുനിവ്. ഇപ്പോഴിതാ റിലീസ് ചെയ്ത് നിമിഷങ്ങൾക്കകം തന്നെ യൂട്യൂബിൽ ട്രെൻഡിങ്ങായി മാറിയിരിക്കുകയാണ് തുനിവിന്റെ ട്രെയിലർ. റിലീസ് ചെയ്ത് ഇതിനോടകം 18 മില്യൺ ആളുകളാണ് തുനിവിന്റെ ട്രെയിലർ കണ്ടത്.
അജിത് ന്റെ മാസ് രംഗങ്ങൾക്കൊണ്ട് സമ്പന്നമാണ് തുനിവിന്റെ ട്രെയിലർ. മലയാളികളുടെ ലേഡി സൂപ്പർ സ്റ്റാർ മഞ്ജുവാര്യരെയും ട്രെയിലറിൽ കാണാം. അതേസമയം ട്രെയിലറിനെ ട്രോളി നിരവധി പേരാണ് രംഗത്ത് വന്നിരിക്കുന്നത്. അനുകൂലിച്ചും ആരാധകർ രംഗത്ത് വരുന്നുണ്ട്.
Also Read
തിരിച്ച് വരവില്ലെന്ന് പറഞ്ഞവർക്ക് മറുപടിയുമായി നിവിൻ പോളി; പുതിയ മേക്കോവർ പൊളിയെന്ന് ആരാധകർ
ബീസ്റ്റ് 2 ആണോ ചിത്രമെന്നാണ് ട്രോളന്മാർ ചോദിക്കുന്നത്. ബീസ്റ്റ് പോലെ തന്നെ ആണ് തുനിവെന്നും ചിലർ പറയുന്നുണ്ട്. ബീസ്റ്റ് പോലെ തന്നെയിരിക്കുന്നു, നെൽസന് മാളെങ്കിൽ വിനോദിന് ബാങ്ക്, മണിഹെയ്സ്റ്റ് തല വെർഷൻ 2 എന്നൊക്കെയാണ് വരുന്ന ട്രോളുകളിലധികവും. എന്നാൽ ചിത്രം മികച്ച തീയേറ്റർ എക്‌സ്പീരിയൻസായിരിക്കുമെന്നാണ് തല ആരാധകർ പറയുന്നത്.
വെടിയുതിർക്കുന്നതായിട്ടാണ് മഞ്ജു വാര്യരുടെ ഇൻട്രോ സീൻ ട്രെയ്ലറിൽ ഉൾപ്പെടുത്തിയിരിക്കുന്നത്. താരത്തിന്റെ സ്റ്റണ്ട് രംഗങ്ങളും ട്രെയ്ലറിൽ കാണാം. ചിത്രത്തിലെ ആക്ഷൻ സീക്വൻസുകൾ മികച്ച അനുഭവമായിരിക്കും പ്രേക്ഷകന് സമ്മാനിക്കുക. ഒരു ആക്ഷൻ സിനിമയിൽ നമ്മൾ കണ്ടിട്ടുള്ള പല കഥാപാത്രങ്ങളേയും തുനിവിന്റെ ട്രെയ്ലറിലും കാണാമെന്നതാണ് മറ്റൊരു കാര്യം.
പൊലീസ് ജാക്കറ്റിലുള്ള അജിത് കുമാറിന്റെ ലുക്കാണ് ട്രെയിലറിന്റെ അവസാനം വെളിപ്പെടുത്തിയിരിക്കുന്നത്. എന്നാൽ ഇത് മാത്രമല്ല ചിത്രത്തിൽ നിരവധി സർപ്രൈസുകൾ പ്രേക്ഷകരെ കാത്തിരിക്കുന്നുണ്ടെന്ന സൂചനയും ട്രെയ്‌ലർ നൽകുന്നുണ്ട്.
