ലിജോ ജോസ് പെല്ലിശ്ശേരി, മോഹൻലാൽ കൂട്ടുകെട്ടിൽ ഒരുങ്ങുന്ന മലൈക്കോട്ടൈ വാലിബന്റെ റിലീസിനായി കാത്തിരിക്കുകയാണ് ആരാധകർ. സിനിമയുടെതായി പുറത്തുവരുന്ന പോസ്റ്ററും മറ്റും ശ്രദ്ധിക്കപ്പെട്ടു. ഇപ്പോഴിതാ ചിത്രത്തിലെ പുത്തൻ പാട്ട് റിലീസ് ചെയ്യുന്നു എന്നാണ് മോഹൻലാൽ അറിയിച്ചിരിക്കുന്നത്.
‘റാക്കാ’ എന്നാണ് പാട്ടിന്റെ പേര്. ഗാനം ആലപിക്കുന്നത് മോഹൻലാൽ ആണ്. ‘ബ്രോ ഡാഡി’യ്ക്ക് ശേഷം മോഹൻലാൽ പാടുന്ന ചിത്രം കൂടിയാകും ഇത്. പി എസ് റഫീഖിന്റേതാണ് വരികൾ. ഗാനം ഇന്ന് വൈകുന്നേരം ആറ് മണിക്ക് റിലീസ് ചെയ്യും.
പാട്ട് റിലീസിനോട് അനുബന്ധിച്ച് പുത്തൻ പോസ്റ്ററും അണിയറ പ്രവർത്തകർ പുറത്തുവിട്ടിട്ടുണ്ട്. ഇരുന്നുകൊണ്ട് ഡാൻസ് കളിക്കുന്ന തരത്തിലുള്ള മോഹൻലാലിന്റെ സ്റ്റില്ലാണ് പോസ്റ്ററിൽ ഉള്ളത്.
അതേസമയം, ലിജോ ജോസ് പെല്ലിശ്ശേരി സംവിധാനം ചെയ്യുന്ന മലൈക്കോട്ടൈ വാലിബൻ ജനുവരി 25ന് തിയറ്ററുകളിൽ എത്തും. സൊനാലി കുൽക്കർണി, ഹരീഷ് പേരടി, മനോജ് മോസസ്, കഥ നന്ദി, ഡാനിഷ് സെയ്ത്, മണികണ്ഠൻ ആചാരി എന്നിവരാണ് ചിത്രത്തിൽ പ്രധാന വേഷത്തിൽ എത്തുക.
