ചില രസകരമായ വീഡിയോകള്‍ സോഷ്യല്‍മീഡിയയില്‍ നിമിഷ നേരം കൊണ്ട് വൈറലാവാറുണ്ട്. കുരുന്നുകളുടെ വീഡിയോകളാണ് ഇത്തരത്തില്‍ ഏറെയും വൈറലായി മാറുന്നത്. രസകരമായ കുരുന്നുകളുടെ വീഡിയോയ്ക്ക് ആരാധകര്‍ ഏറെയാണ്.
കാരണം നിഷ്‌കളങ്കമായ കുട്ടികളുടെ തമാശകളും കുട്ടിക്കളികളുമെല്ലാം ഇഷ്ടപ്പെടാത്തവരായി ആരുമുണ്ടാവാറില്ല. മനസ്സിന് സന്തോഷമേകുന്നതായിരിക്കും കുട്ടികളുടെ വീഡിയോകളെല്ലാം. അത്തരത്തിലൊരു വീഡിയോയാണ് ഇന്ന് സോഷ്യല്‍മീഡിയ ഏറ്റെടുത്തിരിക്കുന്നത്.
ഒരു കുഞ്ഞുകുട്ടിയുടെയും അധ്യാപികയുടെയും വീഡിയോയാണിത്. ക്ലാസ് മുറികളില്‍ കുറുമ്പുകാണിക്കാത്ത കുട്ടികളുണ്ടാവില്ല. കുട്ടികളുടെ ഇത്തരം വികൃതിക്ക് കണ്ണുരുട്ടിയും ചൂരല്‍ എടുത്തും വഴക്ക് പറയുന്ന അധ്യാപികമാരെയാണ് നാം പൊതുവെ കണ്ടിട്ടുള്ളത്.
എന്നാല്‍ ഇതില്‍ നിന്നെല്ലാം തികച്ചും വ്യത്യസ്തയാണ് ഈ വീഡിയോയിലെ ടീച്ചര്‍. കുട്ടി ക്ലാസ്സില്‍ വെച്ച് വികൃതി കാണിച്ചപ്പോള്‍ കുട്ടിയോട്ട് പിണങ്ങി മിണ്ടാതിരിക്കുകയാണ് ഈ അധ്യാപിക. തന്നോട് പിണങ്ങിയിരിക്കുന്ന ടീച്ചറെ കണ്ടപ്പോള്‍ സഹിക്കാനാവാതെ കൊഞ്ചുകയാണ് കുരുന്ന്.
താന്‍ ഇനി ഞാനൊരിക്കലും അങ്ങനെ ചെയ്യില്ലെന്ന് കുട്ടി ടീച്ചറോട് പറയുന്നത് വീഡിയോയില്‍ കേള്‍ക്കാം. തെറ്റ് ചെയ്യില്ലെന്ന് പറഞ്ഞിട്ട് വീണ്ടും അതേ തെറ്റ് ചെയ്യുകയാണെന്നും ഇനി നിന്നോട് മിണ്ടില്ലെന്നും അധ്യാപിക പറയുന്നു.
ऐसा स्कूल मेरे बचपन में क्यों नहीं था 😏😌 pic.twitter.com/uHkAhq0tNN
— ज़िन्दगी गुलज़ार है ! (@Gulzar_sahab) September 12, 2022
എന്നാല്‍ ഇനി ഒരിക്കലും തെറ്റ് ചെയ്യില്ലെന്ന് ടീച്ചര്‍ക്ക് ഉറപ്പുകൊടുത്ത കുട്ടി പിണക്കം മാറാന്‍ അധ്യാപികയുടെ കവിളില്‍ ഉമ്മ കൊടുക്കുകയും ചെയ്യുന്നുണ്ട്. ക്യൂട്ട് വീഡിയോ സോഷ്യല്‍മീഡിയയില്‍ വൈറലാണിപ്പോള്‍.
