വീരേ ദി വെഡിംഗ് എന്ന ചിത്രത്തില് സ്വയംഭോഗ രംഗത്തിലൂടെ വിവാദത്തിലായ താരമാണ് സ്വര ഭാസ്കര്. തന്റെ അഭിനയത്തെ വിമര്ശിച്ചവര്ക്ക് കിടിലന് മറുപടി കൊടുത്ത സ്വര വീണ്ടും വാര്ത്തകളില് നിറയുകയാണ്.
വീരേ ദി വെഡ്ഡിങ് എന്ന ചിത്രത്തില് വൈബ്രേറ്റര് ഉപയോഗിക്കുന്ന രംഗത്തില് അഭിനയിച്ചതിന് നിരവധി വിമര്ശനങ്ങളാണ് സ്വരയ്ക്ക് നേരിടേണ്ടി വന്നത്.
ചിത്രത്തിലെ ഈ പ്രത്യേക രംഗം ചൂണ്ടിക്കാട്ടി സ്വരയുടെ അച്ഛനോട് ‘സര്, ആരാണീ നടി? എന്താണിവര് ചെയ്യുന്നത്?’ എന്നു ചോദിച്ച ഒരു ‘വിമര്ശകനു കിടിലന് മറുപടിയുമായി എത്തിയിരിക്കുകയാണ് താരം.
‘ഞാന് ഒരു അഭിനേത്രിയാണ്. ഒരു വൈബ്രൈറ്റര് ഉപയോഗിക്കുന്നതായാണ് ഞാന് അഭിനയിക്കുന്നത്. എന്റെ അച്ഛനോട് ചോദിക്കണമെന്നില്ല, അടുത്ത തവണ നിങ്ങള്ക്കെന്തെങ്കിലും സംശയം തോന്നുകയാണെങ്കില് എന്നോടു നേരിട്ടു ചോദിക്കാം.
ഒന്നുകൂടി, നിങ്ങളുടെ പേരിനൊപ്പമുള്ള ‘വീര്’ എടുത്തുമാറ്റൂ. ഇത്തരം ചീപ്പായ മാര്ഗങ്ങളിലൂടെ പ്രായമായവരെ അധിക്ഷേപിക്കുന്നവര് അത്ര ധൈര്യശാലികളല്ല. ചിയേഴ്സ്,’ സ്വര മറുപടി നല്കി. അഗ്നിവീര് എന്ന ആള്ക്കാണ് സ്വര മറുപടി നല്കിയിരിക്കുന്നത്.
