മലയാളികളുടെ പ്രിയപ്പെട്ട താരമാണ് നസ്രിയ ഫഹദ്. വിവാഹശേഷം നസ്രിയ സിനിമയില്‍ നിന്ന് അല്പകാലം വിട്ടുനിന്നെങ്കിലും കൂടെ, ട്രാന്‍സ് എന്നീ സിനിമകളിലൂടെ വീണ്ടും സജീവമായിരുന്നു. ബാലതാരവും നായികയും നിര്‍മ്മാതാവും ഒക്കെയായി വളര്‍ന്ന നസ്രിയ ഇപ്പോള്‍ തെലുങ്ക് ചിത്രത്തിലൂടെയാണ് രണ്ടാം വരവില്‍ നായികയായി അഭിനയിച്ചത്.
ഇതിന് പുറമെ കൂടുതല്‍ സിനിമകളില്‍ സജീവമാകാന്‍ ഒരുങ്ങുകയാണ് നസ്രിയ. തമിഴ് സൂപ്പര്‍ താരം സൂര്യയുടെ അടുത്ത ചിത്രത്തില്‍ നസ്രിയ നായകിയാകുന്നു എന്നാണ് റിപ്പോര്‍ട്ടുകള്‍.
ദേശീയ പുരസ്‌കാരമടക്കം നേടിയ ‘സുരറൈ പോട്ര്’ എന്ന ബ്ലോക്ക്ബസ്റ്റര്‍ ചിത്രത്തിന് ശേഷം അവാര്‍ഡ് ജേതാക്കളായ സൂര്യയും സംവിധായിക സുധ കൊങ്കരയും വീണ്ടുമൊന്നിക്കുന്ന ചിത്രമാണിത്. സൂര്യയുടെ 43 മത്തെ ചിത്രമായിരിക്കുമിത്. ആരാധകര്‍ ഏറെ കാത്തിരിക്കുന്ന സൂര്യയും വെട്രിമാരനും ഒന്നിക്കുന്ന ‘വാടിവാസല്‍’ താല്‍കാലികമായി മാറ്റിവച്ചാണ് സൂര്യ സുധ കൊങ്കരയ്ക്ക് ഒപ്പം ചിത്രം ചെയ്യുന്നത്.
ഇതുവരെ പേരിടാത്ത ചിത്രത്തിന് സൂര്യ43 എന്നാണ് ടാഗ് ലൈന്‍ കൊടുത്തിരിക്കുന്നത്. നസ്രിയയാണ് ചിത്രത്തില്‍ സൂര്യയുടെ നായികയായി എത്തുന്നതെന്ന് സ്ഥിരീകരിക്കപ്പെട്ടു കഴിഞ്ഞു. ഒപ്പം നസ്രിയയുടെ നേരത്തെ സുധയും, സൂര്യയും ഒന്നിച്ച സൂരൈപോട്ര് ഒടിടി റിലീസ് ആണെങ്കിലും വലിയ ശ്രദ്ധ നേടിയ ചിത്രമാണ്. ഇപ്പോള്‍ ചിത്രത്തെക്കുറിച്ചുള്ള പുതിയ സൂചനയാണ് പുറത്തുവരുന്നത്. ചിത്രത്തില്‍ ഒരു കോളേജ് വിദ്യാര്‍ത്ഥിയായി സൂര്യ എത്തും എന്നാണ് വിവരം. ഇതിന് വേണ്ട ശരീര ഭാരം കുറയ്ക്കല്‍ അടക്കം സൂര്യ ഇതിനകം എടുക്കുന്നുണ്ടെന്നാണ് വിവരം. എന്നാല്‍ ഇത് ചിത്രത്തിലെ ഏതെങ്കിലും സന്ദര്‍ഭത്തിലുള്ള റോളാണോ അല്ല, ചിത്രത്തിലുടനീളം ഈ റോളാണോ എന്ന് വ്യക്തമാക്കിയിട്ടില്ല.
കങ്കുവ എന്ന സിരുത്തൈ ശിവ ചിത്രത്തിലാണ് സൂര്യ ഇപ്പോള്‍ അഭിനയിക്കുന്നത്. ബിഗ് ബജറ്റ് ആക്ഷന്‍ ചിത്രമാണ് ഇത്. ഗ്രീന്‍ സ്റ്റുഡിയോസ് നിര്‍മ്മിക്കുന്ന ചിത്രത്തില്‍ ബോളിവുഡ് താരം ദിഷാ പഠാനിയാണ് സൂര്യയുടെ നായിക്. 3ഡി ടെക്‌നോളജിയിലാണ് ഈ ചിത്രം ഒരുങ്ങുന്നത്.
ALSO READ- ആദ്യ ചിത്രം നോട്ട്ബുക്ക്, പിന്നെ മോഹന്‍ലാലിനൊപ്പം അടുത്ത ചിത്രം; ആദ്യ ഷോട്ട് തന്നെ ലാലേട്ടനൊപ്പം എടുത്തത് ഒരു ഭാഗ്യം: താരം പറയുന്നത് കേട്ടോ
അടുത്ത സുഹൃത്തായ ദുല്‍ഖര്‍ സല്‍മാനും നസ്രിയയ്ക്ക് ഒപ്പം ഇതേ ചിത്രത്തിലുണ്ടാകുമെന്നാണ് വാര്‍ത്തകള്‍. ബാംഗ്ലൂര്‍ ഡേയ്‌സ് എന്ന ചിത്രത്തിന് ശേഷം നസ്രിയയും ദുല്‍ഖറും ഒന്നിക്കുന്ന ചിത്രം കൂടിയായിരിക്കും ഇത്. ദുല്‍ഖര്‍ സല്‍മാന്‍ ചിത്രത്തില്‍ ഒരു പ്രധാനവേഷത്തിലെത്തുന്നുണ്ട് എന്നാണ് വാര്‍ത്ത. ഈ റിപ്പോര്‍ട്ടുകളൊന്നും ഔദ്യോഗികമായി സ്ഥിരീകരിക്കപ്പെട്ടിട്ടില്ല.
” ഇതൊരു ബയോപിക് ചിത്രമല്ല, പക്ഷേ വലിയ ബഡ്ജറ്റില്‍ വരുന്നൊരു ചിത്രമാണ്. ഇതെന്റെ പാഷന്‍ പ്രൊജക്ട് ആണെന്ന് ഞാന്‍ കരുതുന്നു, സൂര്യയും അതുപോലെ തന്നെ ആവേശത്തിലാണ്. സുരറൈ പോട്രുമായി താരതമ്യപ്പെടുത്തുമ്പോള്‍ പുതിയ ചിത്രം കൂടുതല്‍ വെല്ലുവിളികള്‍ നിറഞ്ഞതാണ്.” എന്നും ഒരു തമിഴ് മാധ്യമത്തിന് നല്‍കിയ അഭിമുഖത്തില്‍ സുധ കൊങ്കര പറഞ്ഞിരുന്നു..
ഈ ചിത്രത്തില്‍ സുധയുടെ കൂടെ സംവിധായകന്‍ നളന്‍ കുമാരസ്വാമിയാണ് തിരക്കഥയില്‍ പങ്കാളിയാവുന്നത്. ജിവി പ്രകാശ്കുമാറാണ് ചിത്രത്തിന് സംഗീതമൊരുക്കുന്നത്. സൂര്യയുടെ നിര്‍മ്മാണ കമ്പനിയായ 2D എന്റെര്‍ടൈന്‍മെന്റ് ആണ് ചിത്രം നിര്‍മ്മിക്കുക.
