നിഥിൻ രഞ്ജി പണിക്കർ തിരക്കഥയെഴുതി സംവിധാനം ചെയ്ത് സുരേഷ് ഗോപി പ്രധാന കഥാപാത്രത്തെ അവതരിപ്പിക്കുന്ന കാവൽ എന്ന ചിത്രം നവംബർ 25-ന് തിയ്യേറ്ററുകളിൽ റിലീസ് ചെയ്യും. ഗുഡ്വിൽ എന്റർടെയ്ൻമെന്റിന്റെ ബാനറിൽ ജോബി ജോർജ് ആണ് ഈ ബിഗ് ബജറ്റ് ചിത്രം നിർമ്മിക്കുന്നത്.
ALSO READ
രഞ്ജി പണിക്കർ, ശങ്കർ രാമകൃഷ്ണൻ, സുരേഷ് കൃഷ്ണ, പത്മരാജ് രതീഷ്, ശ്രീജിത്ത് രവി, സാദ്ദിഖ്, രാജേഷ് ശർമ്മ, സന്തോഷ് കീഴാറ്റൂർ, കിച്ചു ടെല്ലസ്, രാജേഷ് ശർമ്മ, കണ്ണൻ രാജൻ പി. ദേവ് തുടങ്ങിയ താരനിരയും ചിത്രത്തിൽ അഭിനയിക്കുന്നു.
ഹൈറേഞ്ച് പശ്ചാത്തലത്തിൽ രണ്ടു കാലഘട്ടത്തിന്റെ കഥ ദൃശ്യവൽക്കരിക്കുന്ന ചിത്രത്തിൽ തമ്പാൻ എന്ന കഥാപാത്രമായി സുരേഷ് ഗോപി എത്തുന്നു. തമ്പാന്റെ ഉറ്റ സുഹൃത്തായ ആന്റണിയായാണ് രഞ്ജി പണിക്കർ അഭിനയിക്കുന്നത്.
ഛായാഗ്രഹണം നിഖിൽ എസ് പ്രവീൺ നിർവ്വഹിക്കുന്നു. ബി കെ ഹരി നാരായണന്റെ വരികൾക്ക് രഞ്ജിൻ രാജാണ് സംഗീതം പകരുന്നത്. എഡിറ്റർ മൻസൂർ മുത്തൂട്ടിയാണ്.
ALSO READ
പ്രൊഡക്ഷൻ കൺട്രോളർ-സഞ്ജയ് പടിയൂർ, കല ദിലീപ് നാഥ്, മേക്കപ്പ് നിർവ്വഹിയ്ക്കുന്നത് പ്രദീപ് രംഗൻ, വസ്ത്രാലങ്കാരം നിസ്സാർ റഹ്മത്ത്, സ്റ്റിൽസ് മോഹൻ സുരഭി തുടങ്ങിയവരാണ്.
