നടൻ സുരേഷ് ഗോപി പോലീസ് വേഷത്തിൽ എത്തിയ ഏറ്റവും പുതിയ ചിത്രമാണ് ഗരുഡൻ. സിനിമ ഒറ്റവാക്കിൽ പറഞ്ഞാൽ വിജയിച്ചു എന്ന് തന്നെ പറയാം. മികച്ച പ്രതികരണം ആണ് ചിത്രത്തിന് ലഭിക്കുന്നത്. നവാഗതനായ അരുൺ വർമ്മയുടെ സംവിധാനത്തിൽ സുരേഷ് ഗോപി, ബിജു മേനോൻ എന്നിവർ പ്രധാന കഥാപാത്രങ്ങളെ അവതരിപ്പിച്ച ചിത്രമാണ് ‘ഗരുഡൻ’.
ഇപ്പോൾ നന്ദി അറിയിച്ച് എത്തിയിരിക്കുകയാണ് സുരേഷ് ഗോപി. ലോകമെമ്പാടും നിന്ന് പ്രവഹിക്കുന്ന അതിശക്തമായ റിപ്പോർട്ടുകൾക്കും പ്രതികരണങ്ങൾക്കും ഹൃദയംഗമമായ നന്ദി , എന്നാണ് സുരേഷ് ഗോപി സോഷ്യൽ മീഡിയയിൽ കുറിച്ചത്.
also read
ഉര്‍ഫി ജാവേദിനെ പോലീസ് അറസ്റ്റ് ചെയ്തു, സംഭവം ഇങ്ങനെ !
ഇതിന് താഴെ രസകരമായ നിരവധി കമന്റാണ് വരുന്നത്. പാപ്പനെക്കാൾ കിടിലൻ സിനിമ, സന്തോഷം കൊണ്ട് കണ്ണ് നിറയുന്നു. ഗരുഡൻ ബ്ലോക്ക് ബസ്റ്റർ ആകും, ഗംഭീര സിനിമ, മലയാളത്തിലേക്ക് മറ്റൊരു കിടിലൻ ത്രില്ലർ കൂടി സമ്മാനിച്ച് മിഥുൻ മാനുവൽ, ആരൊക്കെ എന്തൊക്കെ കള്ളത്തരം പറഞ്ഞാലും അതെല്ലാം മറ നീക്കി പുറത്ത് കൊണ്ട് വരാൻ മുകളിൽ ഗരുഡൻ വട്ടമിട്ടു പറക്കുന്നുണ്ടാവും’, എന്നിങ്ങനെ പോകുന്നു കമന്റുകൾ.
ഗരുഡന്റെ തിരക്കഥ ഒരുക്കിയിരിക്കുന്നത് മിഥുൻ മാനുവൽ തോമസാണ്. ചിത്രത്തിൽ ദിവ്യ പിള്ള, മാളവിക, ജഗദീഷ്, സിദ്ധിഖ്, നിഷാന്ത് സാഗർ, തലൈവാസൽ വിജയ്, ദിലീഷ് പോത്തൻ, മേജർ രവി, ബാലാജി ശർമ, സന്തോഷ് കീഴാറ്റൂർ, രഞ്ജിത്ത് കാങ്കോൽ, ജെയ്‌സ് ജോസ്, ജോസുകുട്ടി, ചൈതന്യ പ്രകാശ് തുടങ്ങി നിരവധി താരങ്ങൾ അണിനിരക്കുന്നു.
