യുവാക്കളുടെ പ്രിയ താരം സണ്ണി വെയിന്‍ വിവാഹിതനായി. താരം ഫെയ്സ്ബുക്കിലൂടെയാണ് തന്റെ കല്ല്യാണക്കാര്യം അറിയിച്ചത്. രഞ്ജിനിയാണ് താരത്തിന്റെ വധു.
രാവിലെ ആറ് മണിയ്ക്ക് ഗുരുവായൂര്‍ ക്ഷേത്രത്തില്‍ വെച്ചായിരുന്നു വിവാഹം. അടുത്ത സുഹൃത്തുക്കളും വധുവിന്റെയും വരന്റെയും ബന്ധുക്കളും മാത്രമാണ് വിവാഹ ചടങ്ങില്‍ പങ്കെടുത്തത്.
സിനിമാ താരം അജു വര്‍ഗീസും ഫെയ്സ്ബുക്കിലൂടെ താരത്തിന്റെ വിവാഹക്കാര്യം പുറത്തുവിട്ടു.
ദുല്‍ഖര്‍ സല്‍മാന്‍ അരങ്ങേറ്റം നടത്തിയ സെക്കന്റ് ഷോ’ എന്ന ചിത്രത്തിലൂടെ സിനിമാ ലോകത്തേയ്ക്കെത്തിയ സണ്ണി വെയിന്റെ യഥാര്‍ത്ഥ പേര് സുജിത്ത് ഉണ്ണികൃഷ്ണന്‍ എന്നാണ്. വയനാട്ടില്‍ ജനിച്ചു വളര്‍ന്ന സജിത്ത് ഉണ്ണികൃഷ്ണനാണ് സണ്ണി വെയ്ന്‍.
എന്‍ജിനീയറിങ് ബിരുദധാരിയായ സണ്ണി സിനിമയിലെത്തുന്നതിന് മുമ്പ് ബാംഗ്ലൂരില്‍ ഐടി രംഗത്ത് ജോലി ചെയ്യുകയായിരുന്നു. സിനിമയിലെത്തിയപ്പോള്‍ ഒരു നടന് പറ്റി പേരല്ല സുജിത്ത് ഉണ്ണികൃഷ്ണനെന്ന് ബോധ്യമായപ്പോഴാണ് സണ്ണി വെയിന്‍ എന്നാക്കിയത്.
