യുവ നടൻ സണ്ണി വെയിൻ സിനിമാ നിർമാണത്തിലേക്ക്. സണ്ണി വെയിൻ പ്രൊഡക്ഷൻസ് എന്ന പേരിൽ നിർമാണ കമ്പനിയുടെ ആദ്യ സിനിമയുമായി നടൻ എത്തുകയാണ്.
പടവെട്ട് എന്ന് പേരിട്ടിരിക്കുന്ന ചിത്രത്തിൽ നിവിൻ പോളിയാണ് നായകൻ. ലിജു കൃഷ്ണയാണ് ചിത്രം സംവിധാനം ചെയ്യുന്നത്. ചിത്രത്തിന്റെ ഫസ്റ്റ്ലുക്ക് പോസ്റ്റർ പുറത്തിറക്കി.
‘മൊമെന്റ് ജസ്റ്റ് ബിഫോർ ഡെത്ത്’ എന്ന നാടകമായിരുന്നു സണ്ണി വെയ്ൻ പ്രൊഡക്ഷൻസിന്റെ ആദ്യ സംരംഭം. ആ നാടകവും സംവിധാനം ചെയ്തത് ലിജു കൃഷ്ണ ആയിരുന്നു.
ദേശീയ തലത്തിൽ നിരവധി പുരസ്‌കാരങ്ങൾ നാടകത്തിന് ലഭിച്ചിരുന്നു.
സണ്ണിവെയിനിന്റെ ഫേസ്ബുക്ക് പോസ്റ്റ് ഇങ്ങനെ
പ്രിയപ്പെട്ടവരെ, കരിയറിലെ ഒരു സുപ്രധാന നിമിഷം നിങ്ങളുമായി പങ്കുവെക്കാൻ ഞാൻ ആഗ്രഹിക്കുന്നു.
സണ്ണി വെയിൻ പ്രൊഡക്ഷൻസിന്റെ രണ്ടാമത് നിർമാണ സംരംഭം “പടവെട്ട്” ഒരുങ്ങുകയാണ്.
ഇത്തവണ ഒരു സിനിമയുമായാണ് ഞങ്ങൾ വരുന്നത്. എന്റെ സുഹൃത്ത് നിവിൻ പോളിയാണ് നായകൻ.
ആദ്യ സംരംഭമായ ‘മൊമെന്റ് ജസ്റ്റ് ബിഫോർ ഡെത്ത്’ ഒരുക്കിയ ലിജു കൃഷ്ണയാണ് ചിത്രത്തിന്റെ രചനയും സംവിധാനവും നിർവഹിക്കുന്നത്.
നിങ്ങളുടെ എല്ലാവിധ അനുഗ്രഹങ്ങളും ആശംസകളും ഉണ്ടാവുമെന്ന് പ്രതീക്ഷിക്കുന്നു.
“പടവെട്ട്” നന്നായി ഒരുക്കാൻ ഞങ്ങളാൽ കഴിയുന്നതെല്ലാം ചെയ്യുമെന്ന് ഉറപ്പു നൽകിക്കൊണ്ട് നിർത്തട്ടെ.
See you at the movies
