മലയാളികളുടെ പ്രിയപ്പെട്ട മിനിസ്‌ക്രീന്‍ ഷോയായ ബിഗ് ബോസ് റിയാലിറ്റി ഷോയിലൂടെ ഏറെ ശ്രദ്ധേയനായ സെലിബ്രിറ്റി ആണ് ബഷീര്‍ ബഷി. രണ്ട് ഭാര്യമാര്‍ അടങ്ങുന്ന കുടുംബത്തെ ഒത്തൊരുമയോടെ കൊണ്ടു പോകുന്നതാണ് തുടക്കം മുതല്‍ ബഷീര്‍ ബഷി ശ്രദ്ധിക്കപ്പെടാന്‍ കാരണം.
സോഷ്യല്‍ മീഡിയ വഴിയാണ് ബഷീര്‍ ബഷിയേയും കുടുംബത്തേയും പ്രേക്ഷകര്‍ അറിയുന്നത്. മോഡലായി തിളങ്ങി നിന്ന ബഷീര്‍ ബഷിയെ ബിഗ് ബോസില്‍ എത്തിയതോടെയാണ് പ്രേക്ഷകര്‍ അടുത്തറിഞ്ഞത്. തന്റെ രണ്ട് ഭാര്യമാരെ കുറിച്ച് ബഷീര്‍ ബഷി തുറന്നു പറഞ്ഞത് ബിഗ്‌ബോസില്‍ വെച്ച് ആയിരുന്നു.
പ്രണയിച്ച് വിവാഹം കഴിച്ച ആദ്യ ഭാര്യയുടെ അനുവാദത്തോടെ ആയിരുന്നു രണ്ടാം ഭാര്യയേയും ബഷി വിവാഹം കഴിച്ചത്. പ്രാങ്ക് വീഡിയോകള്‍, പാചക പരീക്ഷണങ്ങള്‍, വെബ് സീരീസ് ഒക്കെയായി ബഷീറിനൊപ്പം ഭാര്യമാരും മക്കളും യുട്യൂബ് വഴി ഉണ്ടാക്കുന്നത് ലക്ഷങ്ങളാണ്.
ഇപ്പോഴിതാ തന്റെ പിറന്നാളാഘോഷത്തെ കുറിച്ചും ബഷി നല്‍കിയ സര്‍പ്രൈസിനെ കുറിച്ചും പറഞ്ഞുകൊണ്ട് സുഹാന പങ്കുവെച്ച വീഡിയോയാണ് വൈറലായിക്കൊണ്ടിരിക്കുന്നത്. തനിക്ക് പതിവുപോലെ ബഷീറിന്റെ വക സര്‍പ്രൈസുണ്ടായിരുന്നുവെന്നും അത് കമ്മലായിരുന്നുവെന്നും സോനു പറയുന്നു.
മഷൂറയുടെ മമ്മയും സോനുവിന് സമ്മാനം നല്‍കിയിരുന്നു. താനൊരു പ്രഷ്യസ് സമ്മാനമാണ് സുഹാനയ്ക്ക് കൊടുക്കുന്നതെന്ന് പറഞ്ഞ് തന്റെ കുഞ്ഞ് എബ്രൂനെ സോനുവിന്റെ കൈയ്യിലേക്ക് വെച്ചുകൊടുക്കു കയായിരുന്നു മഷൂറ. ഇത് ശേഷം സോനുവിന്റെ മുഖത്ത് ബഷീര്‍ കേക്ക് വാരി തേക്കുകയും ചെയ്യുന്നുണ്ട്.
