മനോജ് കടംപൂത്രമഠം ജയന്‍ എന്നറിയപ്പെടുന്ന നടന്‍ മനോജ് കെ. ജയന്റെ വിശേഷം അറിയാന്‍ ആരാധകര്‍ക്ക് വലിയ ഇഷ്ടമാണ്. ഇതിനോടകം നിരവധി ചിത്രങ്ങളില്‍ ഈ താരം അഭിനയിച്ചു കഴിഞ്ഞു. 1988ല്‍ ദൂരദര്‍ശനില്‍ സംപ്രേക്ഷണം ചെയ്ത കുമിളകള്‍ എന്ന പരമ്പരയിലൂടെയാണ് അരങ്ങേറ്റം , പിന്നാലെ മാമലകള്‍ക്കപ്പുറത്ത് എന്ന ചിത്രത്തില്‍ നായകനായി അഭിനയിച്ചു, ശേഷം തിരിഞ്ഞു നോക്കേണ്ടി വന്നിട്ടില്ല ഈ താരത്തിന്.
ഇപ്പോള്‍ സോഷ്യല്‍ മീഡിയയില്‍ എത്തിയിരിക്കുന്ന ഒരു ചിത്രമാണ് ആരാധകര്‍ ശ്രദ്ധിച്ചിരിക്കുന്നത്. ഈ ചിത്രത്തില്‍ മറ്റൊരാള്‍ കൂടിയുണ്ട്. നടന്‍ മനോജ് കെ ജയന്റെ കുടുംബത്തിനൊപ്പം സുചിത്രേച്ചി നില്‍ക്കുന്ന ഫോട്ടോയാണിത്. ഇത് എങ്ങനെ സംഭവിച്ചു എന്നാണ് ഫോട്ടോ കണ്ട് ആരാധകര്‍ ചോദിക്കുന്നത്.
ആശയ്ക്കും കുടുംബത്തിനും ഒപ്പം ഫോട്ടോയ്ക്ക് പോസ് ചെയ്യുന്ന സുചിത്രയുടെ ചിത്രമാണ് വൈറല്‍ ആവുന്നത്. മനോജിന്റെ ഭാര്യ ആശ ഇപ്പോള്‍ ലണ്ടനില്‍ ആണ്.
ചിത്രത്തില്‍ നിന്നും സുചിത്രയും ആശയും തമ്മിലുള്ള ആത്മബന്ധം വ്യക്തമാണ്. എന്നാല്‍ ഇതില്‍ മോഹന്‍ലാലിനെ കാണാന്‍ കഴിയാത്തതിന്റെ പരിഭവവും ആരാധകര്‍ പങ്കുവെച്ചു. സാധാരണ ഭാര്യയും ഭര്‍ത്താവും ഒന്നിച്ചാണ് വെക്കേഷന്‍ ആസ്വദിക്കാന്‍ പോവാര്‍, ലാലേട്ടന്‍ എവിടെ പോയി എന്നും പ്രേക്ഷകര്‍ ചോദിക്കുന്നു. വെക്കേഷന്‍ ആസ്വദിക്കാനായി എത്തിയതാകാം സുചിത്ര എന്നാണ് ആരാധകരുടെ സംസാരം.
Also Read: അവന്‍ പുലിയാണ്; മകന്‍ ഭാര്യയുടെ മൂക്ക് ഇടിച്ച് ഷേപ്പൊക്കെ മാറ്റിയെന്ന് കുഞ്ചാക്കോ ബോബന്‍
നേരത്തെ ഇടയ്‌ക്കൊക്കെ താന്‍ ലണ്ടനിലേക്ക് പോകുന്ന വിശേഷം മനോജ് കെ ജയന്‍ പങ്കുവച്ചിരുന്നു. താരത്തിന്റെ കുഞ്ഞാറ്റ ഒഴികെ ആശയുടെ മകളും മകനും അവിടെയാണ് പഠിക്കുന്നത്. അതുകൊണ്ടുതന്നെ ഇവിടേക്ക് ഈ താരകുടുംബം ഇടയ്ക്ക് എത്താറുണ്ട്. ആശയുടെ മകളുടെ വിജയം ആഘോഷിക്കാനായിട്ടാണ് മനോജ് കുഞ്ഞാറ്റയ്ക്ക് ഒപ്പം ലണ്ടനില്‍ എത്തിയത്.
അതേസമയം മലയാള സിനിമയില്‍ മറക്കാനാവാത്ത നിരവധി കഥാപാത്രങ്ങളെ സമ്മാനിച്ച നടനാണ് മനോജ് കെ ജയന്‍. താരത്തിന്റെ ഏറ്റവും മികച്ചതും വളരെ വ്യത്യസ്തവുമായ ഒരു വില്ലന്‍ കഥാപാത്രം തന്നെയായിരുന്നു അനന്തഭദ്രത്തിലെ ദിഗംബരന്‍ എന്നത്. താരത്തിന്റെ ഈ റോള്‍ ആരാധകര്‍ ഏറെ ആസ്വദിച്ചു.
