അഹാന കൃഷ്ണ എന്ന നടിയെ പ്രത്യേകം പരിചയപ്പെടുത്തേണ്ട ആവശ്യമില്ലല്ലോ. മലയാള സിനിമയിലെ യുവതാരമായ അഹാന സോഷ്യല്‍ മീഡിയയില്‍ കൂടി നിറഞ്ഞുനില്‍ക്കുന്ന ഒരു താരം കൂടിയാണ്. കൃഷ്ണകുമാറിന്റെ മകളായ അഹാന ഞാന്‍ സ്റ്റീവ് ലോപ്പസ് എന്ന ചിത്രത്തിലൂടെയാണ് തുടക്കം കുറിച്ചത്. തുടര്‍ന്ന് മറ്റ് ചിത്രങ്ങളിലേക്ക് അഹാനക്ക് അവസരം ലഭിച്ചു.
ലൂക്കാ എന്ന സിനിമയിലാണ് ആദ്യമായി താരം നായികയായി എത്തുന്നത്. സിനിമയിലെ താരത്തിന്റെ കഥാപാത്രവും ചിത്രവും എല്ലാം ശ്രദ്ധിക്കപ്പെട്ടു. എന്നാല്‍ തനിക്ക് ലഭിക്കുന്ന ചിത്രങ്ങളെക്കുറിച്ച് അഹാന പലപ്പോഴും തുറന്നു പറഞ്ഞിട്ടുണ്ട്.
അഭിനയിക്കാന്‍ ഏറെ ഇഷ്ടമാണെങ്കിലും വിചാരിച്ചത് പോലെ സിനിമകളൊന്നും ലഭിക്കുന്നില്ല. എങ്കിലും സോഷ്യല്‍ മീഡിയയില്‍ സജീവമാണ് അഹാനയും കുടുംബവും. മിക്കപ്പോഴും തന്റെ യൂട്യൂബ് ചാനല്‍ വഴിയാണ് താരം വിശേഷങ്ങള്‍ പങ്കുവെയ്ക്കാര്‍. സിനിമ കുറവാണെങ്കിലും അഹാനയ്ക്ക് വരുമാനം ഒട്ടും കുറവല്ല. സോഷ്യല്‍മീഡിയ തന്നെയാണ് പ്രധാന വരുമാന ശ്രോതസ്.
ALSO READ- രണ്ട് ആഴ്ചത്തെ പ്ലാനിങ്; കൂടെ നിന്ന് സുഹൃത്തുക്കള്‍; ഒടുവില്‍ മനോജിന് ഗൗരി ഒരുക്കിയ ബര്‍ത്ത്‌ഡേ സര്‍പ്രൈസ് പൊളിച്ച് അമ്മയും അച്ഛനും, ഒപ്പം സുഹൃത്തും!
അതേസമയം, താരം എല്ലാ ചോദ്യങ്ങള്‍ക്കും വെട്ടിത്തുറന്ന് മറുപടി പറയുന്ന കൂട്ടത്തിലുമാണ്. തനിക്ക് കംഫര്‍ട്ട് അല്ലാത്ത ചോദ്യങ്ങള്‍ കേട്ടാല്‍ അപ്പോള്‍ തന്നെ അഹാന പ്രതികരിക്കാറുണ്ട്.
ഇപ്പോഴിതാ അഹാനയ്ക്ക് ഇരുപത്തിയെട്ട് വയസ്സ് തികയുകയാണ്. ഒക്ടോബര്‍ പതിമൂന്നിനാണ് അഹാന കൃഷ്ണയുടെ പിറന്നാള്‍. കൂട്ടുകാരും അമ്മയും അച്ഛനും കുടുംബവും എല്ലാം ആശംസകളുമായി നേരത്തെ മുതല്‍ തന്നെ സോഷ്യല്‍ മീഡിയയില്‍ എത്തിയിരുന്നു.
ഈ സമയം, പുതിയ മേക്കോവറിലാണ് അഹാന പിറന്നാള്‍ ആഘോഷത്തിന് എത്തുക. ഉറപ്പായും കുടുംബം ഒരു സര്‍പ്രൈസ് ഒരുക്കിവച്ചിട്ടുണ്ടാകും എന്നാണ് അഹാന ഫാന്‍സും പ്രതീക്ഷിക്കുന്നത്.
ALSO READ- എന്റെ സ്വന്തം മക്കള് തന്നെയാണ് അവര്‍; സ്‌നേഹിക്കുകയും ശാസിക്കുകയും ചെയ്യും; മുടിയനെ കുറിച്ചും ലച്ചുവിന്റെ ഭര്‍ത്താവിനെ കുറിച്ചും മനസ് തുറന്ന് നിഷ സാരംഗ്
സിനിമയില്‍ അവസരം ചോദിയ്ക്കാന്‍ തനിക്ക് യാതൊരു ബുദ്ധിമുട്ടും ഉള്ള ആളല്ലെന്ന് അടുത്തിടെ അഹാന പറഞ്ഞിരുന്നു.
ഏറ്റവും നന്നായി ചോദിയ്ക്കാന്‍ അറിയുന്ന കാര്യം അവസരം ചോദിയ്ക്കാന്‍ ആണ്. ചാന്‍സ് ഇങ്ങോട്ട് വരുന്നതിനേക്കാളും കൂടുതല്‍ ഞാന്‍ അങ്ങോട്ട് ചോദിച്ചിട്ട് ആണുള്ളത് എന്നും അടുത്തിടെ താരം വെളിപ്പെടുത്തിയിരുന്നു. അഭിനയം മാത്രമല്ല, തൊടുന്നതെല്ലാം പൊന്നാക്കുന്ന അഹാനയ്ക്ക് ഒരു മില്യണിലധികം സബ്‌സ്‌ക്രൈബേര്‍സാണ് യൂട്യൂബില്‍.
കുറച്ചുനാളുകള്‍ കൊണ്ടാണ് യൂ ട്യൂബില്‍ ഒരു മില്യണിലധികം സബ്‌സ്‌ക്രൈബേര്‍സിനെ അഹാന നേടിയെടുത്തത്. സോഷ്യല്‍മീഡിയയില്‍ കണ്ണടച്ച് തുറക്കും മുന്‍പേ ആയിരുന്നു അഹാനയുടെ വളര്‍ച്ച. ഒരുകോടിയിലധികം വരുമാനം അഹാനയ്ക്ക് യൂട്യൂബിലൂടെ കിട്ടിയിട്ടുണ്ടാകും എന്നാണ് ആരാധകരുടെ കണക്കുകൂട്ടല്‍. പ്രമോഷനിലൂടെ കിട്ടുന്ന വരുമാനത്തിന്റെ കാര്യം വേറെയും പരിഗണിക്കേണ്ടി വരും.
