നടൻ കൃഷ്ണകുമാറിന്റെ മകൾ അഹാന മലയാളത്തിലെ യുവനായികമാരിൽ ശ്രദ്ധേയയാണ്. 2014ൽ
പുറത്തിറങ്ങിയ ഞാൻ സ്റ്റീവ് ലോപ്പസ് എന്ന ചിത്രത്തിലൂടെയാണ് അഹാന മലയാള സിനിമയിൽ അരങ്ങേറ്റം കുറിക്കുന്നത്.
നായികാ കഥാപാത്രത്തിലുപരി നല്ല കഥാപാത്രങ്ങൾ ചെയ്യുന്നതിലാണ് അഹാനയുടെ ശ്രദ്ധ. ഈ വർഷം മൂന്ന് ചിത്രങ്ങൾ അഹാനയുടേതായി റിലീസിനെത്തും.
എന്നാൽ സിനിമകളെ കുറിച്ചല്ല, അഹനയുടെ രസകരമായ ഒരു ഇൻസ്റ്റഗ്രാം പോസ്റ്റാണ് ഇപ്പോൾ സാമൂഹ്യ മാധ്യമങ്ങളിൽ ചർച്ചയാകുന്നത്.
അമ്പരന്ന് നിൽക്കുന്ന മുഖഭാവത്തിലുള്ള ചിത്രം പങ്കുവച്ചുകൊണ്ടാണ് അഹാനയുടെ പോസ്റ്റ്. ഞാനിപ്പോൾ ജീവിതത്തിൽ ആ അവസ്ഥയെ നേരിടുകയാണ്.
മുപ്പതു വയസ് പ്രായമുള്ളവർ അവരുടെ മൂന്ന്,നാല്,അഞ്ച് വയസുള്ള കുട്ടികൾക്ക് എന്നെ അന്റീ എന്ന് പറഞ്ഞാണ് പരിചയപ്പെടുത്തുന്നത്.
ഒരു ഉദാഹരണം പറയുകയാണെങ്കിൽ. ആന്റിക്ക് ഹായ് പറയൂ, ആന്റിയെ നോക്കൂ ചിരിക്കൂ. ടെക്നിക്കലി അത് ശരിയാണ്. പക്ഷേ ആ വിളി കേൾക്കുമ്പോൾ എന്റെ മുഖം ഏറെക്കുറെ ഇതുപോലെയകും.
ഇപ്പോൾ എന്റെ പ്രായത്തിലുള്ളവർ കോളേജിലോ, കല്യാണ പന്തലിലോ, അല്ലെങ്കിൽ ലേബർ റൂമിലോ ഒക്കെയായിരിക്കും’ എന്നും അഹാന പറയുന്നു.
