ആരാധകരെ വാരിക്കൂട്ടിയ നടിയാണ് നയന്‍താര. സൗത്ത് ഇന്ത്യന്‍ സിനിമയിലെ ലേഡി സൂപ്പര്‍ സ്റ്റാര്‍ എന്ന് നയന്‍താരയെ ഇന്ന് വിശേഷിപ്പിക്കാം. 70ലധികം ചിത്രങ്ങളിലാണ് താരം അഭിനയിച്ചിട്ടുള്ളത്. നയന്‍താരയുടെ ഏറ്റവും ഒടുവില്‍ പുറത്തുവന്ന ചിത്രം ഭര്‍ത്താവ് വിഘ്‌നേഷ് ശിവന്റെ ‘കാത്ത് വാക്കുല രണ്ട് കാതല്‍’ ആണ്.
പ്രമുഖ ബോളിവുഡ് താരം ഷാരൂഖ് ഖാനും വിജയ് സേതുപതിയും അഭിനയിക്കുന്ന അറ്റ്‌ലീയുടെ ‘ജവാന്‍’ ആണ് നയന്‍താരയുടെ വരാനിരിക്കുന്ന ചിത്രം. ലക്ഷക്കണക്കിന് ആരാധകരുള്ള താരത്തെ അധിക്ഷേപിച്ചെന്നാരോപിച്ച് രൂക്ഷവിമര്‍ശം നേരിടുകയാണ് ബോളിവുഡ് സംവിധായകന്‍ കരണ്‍ ജോഹര്‍.
ടോക് ഷോയായ കോഫിവിത്ത് കരണ്‍ ഏഴാം സീസണിലെ ഒരു എപ്പിസോഡിലായിരുന്നു കരണിന്റെ പരാമര്‍ശം. ഇത് നയന്‍താരയുടെ ആരാധകരെ ചൊടിപ്പിച്ചിരിക്കുകയാണ്. നടി സമാന്ത അതിഥിയായെത്തിയ എപ്പിസോഡില്‍ ദക്ഷിണേന്ത്യയിലെ ഏറ്റവും മികച്ച അഭിനേത്രിയാരാണെന്നായിരുന്നു കരണ്‍ ജോഹര്‍ ചോദിച്ചത്.
ഈ ചോദ്യത്തിന് നയന്‍താരയുടെ പേരാണ് സമാന്ത പറഞ്ഞത്. നയന്‍താരയ്‌ക്കൊപ്പം അഭിനയിച്ച ‘കാത്തു വാക്കുലെ രണ്ടു കാതല്‍’ എന്ന ചിത്രത്തെ പരാമര്‍ശിച്ചായിരുന്നു സമാന്തയുടെ മറുപടി. ഇതിന് കരണ്‍ ജോഹര്‍ നല്‍കിയ മറുപടിയാണ് വിവാദങ്ങളിലെത്തിച്ചത്.
‘അവര്‍ (നയന്‍താര) എന്റെ ലിസ്റ്റില്‍ ഇല്ല’ എന്നായിരുന്നു കരണ്‍ സാമന്തയ്ക്ക് മറുപടി നല്‍കിയത്. ഇന്ത്യയിലെ ഒന്നാം നമ്പര്‍ അഭിനേത്രിയായി സമാന്തയെ തിരഞ്ഞെടുത്ത ഓര്‍മാക്‌സ് മീഡിയ ലിസ്റ്റിനെപ്പറ്റി സൂചിപ്പിച്ചായിരുന്നു അദ്ദേഹത്തിന്റെ പരാമര്‍ശം.
Because your list doesn't deserve her sirrrr! she is Lady superstar
FYI, She is Great actress, & not like your fav list 🙂! Better know about her well & speak KJo!
Thank you sam❤️❤️ #SamanthaPrabhu #Samantha #KoffeeWithKaran #Nayanthara https://t.co/i3H8DQWBpw— Manz🌈 (@manz_pure_soul) July 22, 2022
നയന്‍താരയുടെ ആരാധകരൊന്നടങ്കം കരണ്‍ ജോഹറിനെ വിമര്‍ശിച്ച് രംഗത്തെത്തിയത് ഈ എപ്പിസോഡ് സംപ്രേക്ഷണം ചെയ്തതിനു തൊട്ടുപിന്നാലെയാണ്. നയന്‍താരയെ കരണ്‍ അനാദരിച്ചെന്നും ആരാധകര്‍ പറയുന്നു. ‘നിങ്ങളുടെ ലിസ്റ്റില്‍ അവര്‍ക്ക് ഇടം ആവശ്യമില്ലെന്നും അവര്‍ ലേഡി സൂപ്പര്‍ സ്റ്റാറാണ്’ എന്നും ഒരാള്‍ കമന്റ് ചെയ്തു.
സംവിധായകന്‍ കരണ്‍ ജോഹറിന്റെ കമ്പനി നിര്‍മിക്കുന്ന ‘ഗുഡ് ലക്ക് ജെറി’ എന്ന സിനിമ നയന്‍താര അഭിനയിച്ച ‘കോലമാവ് കോകില’യുടെ റീമേക്ക് ആണെന്നും താരത്തിന്റെ ആരാധകര്‍ പറയുന്നു. അതേസമയം, വിവാദങ്ങള്‍ക്ക് പിന്നാലെ കരണ്‍ ജോഹറിന്റെ ആരാധകരും രംഗത്തെത്തിയിട്ടുണ്ട്.
സംവിധായകന്റെ വാക്കുകള്‍ വളച്ചൊടിച്ചതാണെന്ന് ഇവര്‍ പറയുന്നു. കരണ്‍ ജോഹര്‍ ഓര്‍മാക്‌സ് മീഡിയ ലിസ്റ്റില്‍ ഒന്നാമതെത്തിയ സാമന്തയെയാണ് ആ സമയത്ത് ഉദ്ദേശിച്ചതെന്നും അതുകൊണ്ടാണ് ലിസ്റ്റില്‍ നയന്‍താരയുടെ പേരില്ല എന്ന് പറഞ്ഞത് എന്നുമാണ് കരണ്‍ ജോഹറിന്റെ ആരാധകര്‍ പറയുന്നത്.
