ബിഗ് ബോസ് അഞ്ചാം സീസണ്‍ തുടരുന്നതിനിടെ വീട്ടിലെ വഴക്കുംഗ്രൂപ്പിസവും തുടങ്ങിയ സ്ട്രാറ്റര്‍ജിക്ക് പിന്നാലെ ഇപ്പോഴിതാ പ്രണയവും ഒരു തന്ത്രമായി പയറ്റുകയാണ് പലരും. മിക്ക ബിഗ് ബോസ് സീസണുകളിലും പ്രണയമുണ്ടായിരുന്നു. പ്രണയങ്ങളെല്ലാം ഗെയിം തന്ത്രം മാത്രമായി ഒതുങ്ങിയിരുന്നു.
ഇതോടെ ബിബിയില്‍ പ്രണയം കാണുമ്പോള്‍ തന്നെ വിര്‍ശിക്കുന്നവരായി മാറിയിരിക്കുകയാണ് പ്രേക്ഷകര്‍. അഞ്ചാം സീസണിലിപ്പോള്‍ പ്രണയത്തിന്റെ ഒരു മാലപ്പടക്കം തന്നെയാണ് ഉണ്ടായിരിക്കുന്നത്. കഴിഞ്ഞ കുറച്ചുനാളുകളായി സാഗര്‍- സെറീനയായിരുന്നു സീസണിലെ പ്രണയ കോംബോ.
എന്നാല്‍ ഇപ്പോള്‍ ഈ രണ്ടുപേരിലേക്കും മറ്റ് പ്രണയിതാക്കള്‍ കൂടി എത്തിയിരിക്കുകയാണ്. ജുനൈസിന് സെറീനയോടാണ് പ്രണയം. നാദിറയ്ക്ക് സാഗറിനോടും. ഈ സംഭവങ്ങളെല്ലാം ഇപ്പോള്‍ സോഷ്യല്‍മീഡിയയിലും വലിയ ചര്‍ച്ചയായി മാറിയിരിക്കുകയാണ്.
കുറച്ച് നാളുകളായി ആക്ടീവ് അല്ലാത്ത ജുനൈസ് തന്റെ ഇഷ്ടം സെറീനയോടട് പറഞ്ഞപ്പോള്‍ മുതല്‍ മത്സരങ്ങളില്‍ നിന്നെല്ലാം പൂര്‍ണമായും മാറിനില്‍ക്കുന്ന മട്ടിലാണ്. കൂടാതെ സാഗറുമായുള്ള കൂട്ടുകെട്ടിന് വിള്ളല്‍ വീണിരിക്കുകയാണ്..
ജുനൈസ് ചെയ്തുകൊണ്ടിരിക്കുന്നത് ശരിയല്ലെന്നാണ് സെറീന സാഗറിനോട് പറയുന്നത്. എവിക്ഷന്‍ അടുത്തതോടെ ജുനൈസിന് പേടിയുണ്ടെന്നും മാരാരുമൊക്കെയായി കൂട്ടുകൂടുകയാണെന്നും എന്തൊക്കെയോ ചെയ്തുകൂട്ടുകയാണെന്നും സാഗറും പറയുന്നു.
ബിഗ് ബോസില്‍ പിടിച്ചുനില്‍ക്കാന്‍ ബുദ്ധിമുട്ടാണ്. തന്നെ പലരും ഒറ്റപ്പെടുത്തുകയാണെന്നും തനികക്് ഇവിടെ നിന്നും പുറത്തുപോകണമെന്നും ജുനൈസ് കഴിഞ്ഞ ദിവസം ശോഭയോട് പറഞ്ഞിട്ടുണ്ട്.
