ഒരുകാലത്ത് മലയാളികളുടെ ഏറ്റവും പ്രിയപ്പെട്ട റിയാലിറ്റി ഷോയായിരുന്നു ഐഡിയ സ്റ്റാര്‍ സിംഗര്‍. മലയാള ടെലിവിഷന്‍ ചരിത്രത്തിലെ വമ്പന്‍ ഹിറ്റായി മാറായ റിയാലിറ്റി ഷോ കൂടിയായിരുന്നു ഇത്. നിരവധി സംഗീത പ്രതിഭകളെയാണ് ഈ ഷോ സമ്മാനിച്ചത്.
ഐഡിയ സ്റ്റാര്‍ സിംഗര്‍ റിയാലിറ്റി ഷോയില്‍ പങ്കെടുത്ത മത്സരാര്‍ത്ഥികളില്‍ പലരും ഇന്ന് സിനിമാമേഖലയില്‍ പ്രവര്‍ത്തിക്കുന്നവരാണ്. അതില്‍ ഒരാളാണ് ശ്രീനാഥ്. ഐഡിയ സ്റ്റാര്‍ സിംഗറിലെ 2009 ലെ വിജയി ആയിരുന്നു പാലക്കാട്ടുകാരനായ ശ്രീനാഥ്.
ഒരു മികച്ച ഗായകന്‍ മാത്രമല്ല ശ്രീനാഥ്. ഇന്ന് സ്റ്റേജ് പെര്‍ഫോമറും ഗാന രചയിതാവുമൊക്കെയാണ്. ഇതിനോടകം പല ആല്‍ബം സോങ്ങുകളും ഷോര്‍ട് ഫിലിമുകളും ശ്രീനാഥ് എത്തിയിട്ടുണ്ട്. താരരാജാവ് മമ്മൂട്ടി നായകനായ ഒരു കുട്ടനാടന്‍ ബ്ലോഗ് എന്ന സിനിമയിലൂടെയാണ് ശ്രീനാഥ് മ്യൂസിക് ഡയറക്ടറായത്.
അടുത്തിടെയായിരുന്നു വിവാഹവിശേഷങ്ങള്‍ ശ്രീനാഥ് പങ്കുവെച്ചത്. താരത്തിന്റെ എന്‍ഗേജ്‌മെന്റ് ചിത്രങ്ങളെല്ലാം വൈറലായിരുന്നു. ശ്രീനാഥിന്റെ അടുത്ത സുഹൃത്തായ അശ്വതിയെയാണ് താരം വിവാഹം കഴിക്കുന്നത്. ഇപ്പോഴിതാ ശ്രീനാഥിന്റെ പിറന്നാള്‍ ആഘോഷത്തിന്റെ ഒരു വീഡിയോയാണ് സോഷ്യല്‍മീഡിയയില്‍ പ്രചരിക്കുന്നത്.
Also Read; മഞ്ഞ പനി, പുതിയ ലുക്കില്‍ ആരാധകരെ ഞെട്ടിച്ച് രഞ്ജിനി ഹരിദാസ്
പിറന്നാള്‍ ആഘോഷങ്ങളില്‍ ശ്രീനാഥിനൊപ്പം ഭാവി വധു അശ്വതിയുമുണ്ട്. കേക്ക് മുറിച്ച് ആദ്യം അശ്വതിക്കാണ് ശ്രീനാഥ് നല്‍കിയത്. തിരിച്ച് കേക്ക് നല്‍കിയ അശ്വതി ശ്രീനാഥിന് ഒരുമ്മയും നല്‍കിയിട്ടുണ്ട്. നിരവധി പേരാണ് വീഡിയോക്ക് താഴെ ശ്രീനാഥിന് പിറന്നാള്‍ ആശംസകള്‍ നേര്‍ന്നത്.
