നിരവധി സൂപ്പര്‍ഹിറ്റ് ഗാനങ്ങളിലൂടെ മലയാളികളുടെ പ്രിയപ്പെട്ട ഗായികമാരില്‍ ഒരാളായി മാറിയ താരമാണ് സയനോര. ആരാധകരുടെ മനസില്‍ വേറിട്ട ശബ്ദം കൊണ്ട് ഇഷ്ടം കോരിയിട്ട സൂപ്പര്‍ ഗായിക കൂടിയാണ് സൈനോര ഫിലിപ്പ്. വ്യത്യസ്തമാര്‍ന്ന ഒത്തിരി പാട്ടുകളാണ് ഗായിക സമ്മാനിച്ചത്.
2001 ലാണ് സയനോര സിനിമാപിന്നണി ഗാനരംഗത്തേക്ക് ചുവടുവെച്ചത്. ലാല്‍ ജോസ് സംവിധാനം ചെയ്ത ‘രണ്ടാം ഭാവം’ എന്ന ചിത്രത്തിലെ ‘മറന്നിട്ടുമെന്തിനോ മനസില്‍ തുളുമ്പുന്ന’എന്ന ഗാനമാണ് സയനോര ആദ്യമായി ആലപിച്ചത്.
ഇത് ഒത്തിരി ശ്രദ്ധിക്കപ്പെട്ടിരുന്നു.
പിന്നീട് ഒത്തിരി നല്ല പാട്ടുകള്‍ സയനോര സമ്മാനിച്ചു. ഗായിക മാത്രമല്ല, ഗിത്താറിസ്റ്റും സംഗീത സംവിധായികയും കൂടിയാണ് സയനോര. എ.ആര്‍ റഹ്‌മാന്‍ ഉള്‍പ്പടെയുള്ള സംഗീത പ്രതിഭകള്‍ക്കൊപ്പം സയനോര ഇതിനോടകം വര്‍ക്ക് ചെയ്തിട്ടുണ്ട്.
ഇപ്പോഴിതാ തന്റെ ജീവിതത്തിലെ ഒരു സന്തോഷ വാര്‍ത്ത ആരാധകരുമായി പങ്കുവെച്ചിരിക്കുകയാണ് സയനോര. താന്‍ വീണ്ടും ഗര്‍ഭിണി ആയന്നെ സന്തോഷ വാര്‍ത്തയായിരുന്നു താരം പങ്കുവെച്ചത്. പ്രഗ്‌നന്‍സി ഡിസെക്ഷന്‍ കിറ്റ് ടെസ്റ്റ് ചെയ്ത ശേഷമുള്ള ചിത്രം പങ്കുവെച്ചുകൊണ്ടായിരുന്നു ഗായിക ഇക്കാര്യം അറിയിച്ചത്.
സോഷ്യല്‍മീഡിയയില്‍ പങ്കുവെച്ച ചിത്രത്തിന് താഴെ നിരവധി ആരാധകരാണ് സയനോരയ്ക്ക് ആശംസകള്‍ നേര്‍ന്ന് എത്തിയിരിക്കുന്നത്. പലരും സുഖമായിട്ടും സന്തോഷമായിട്ടും ഇരിക്കൂവെന്ന് കമന്റുകള്‍ ചെയ്തു.
