മലയാളത്തിലെ മുന്‍നിര നായകന്മാരില്‍ ഒരാളാണ് സിദ്ധിഖ്. വേറിട്ട ഭാവം കൊണ്ടും രൂപം കൊണ്ടും അഭിനയത്തികവ് കാട്ടിയ നടനാണ് അദ്ദേഹം. കഴിഞ്ഞ മുപ്പത് വര്‍ഷത്തിന് മുകളിലായി മലയാള സിനിമയില്‍ സജീവമായി നില്‍ക്കുകയാണ് സിദ്ധിഖ്.
യുവനടന്മാര്‍ക്കൊപ്പം ഇന്നും തിളങ്ങി നില്‍ക്കാന്‍ നടന് സാധിച്ചതാണ് ഈ വിജയത്തിന് പിന്നിലെ രഹസ്യവും. മലയാള സിനിമയില്‍ സ്വന്തമായൊരു മേല്‍വിലാസമുണ്ടാക്കിയ നടന് കൂടിയാണ്. സ്വഭാവ നടനായും വില്ലനായും ഹാസ്യ നടനായും അദ്ദേഹം മലയാളി പ്രേക്ഷകരെ അത്ഭുതപ്പെടുത്തിയിട്ടുണ്ട്.
Also Read:സിബിയായി ഷെയ്‌നും ശോശയായി മഹിമയും; ലിറ്റില്‍ ഹാര്‍ട്‌സ് ട്രെയ്‌ലര്‍
വര്‍ഷങ്ങളോളമായി സിനിമയില്‍ സജീവമായി തുടരുന്ന സിദ്ധിഖ് മലയാള സിനിമാതാരങ്ങളുടെ സംഘടനയായ അമ്മയിലും പ്രധാന സ്ഥാനം വഹിക്കുന്നുണ്ട്. താരം അഭിമുഖങ്ങളിലൊന്നും മറ്റുതാരങ്ങളെ പോലെ അങ്ങനെ പ്രത്യക്ഷപ്പെടാറില്ല.
ഇപ്പോഴിതാ ഒരു അഭിമുഖത്തില്‍ സംസാരിക്കവെ സിദ്ധിഖ് പറഞ്ഞ കാര്യങ്ങളാണ് ശ്രദ്ധനേടുന്നത്. താന്‍ ഒരു നിര്‍മ്മാതാവിനോടും കണക്ക് പറഞ്ഞ് കാശ് വാങ്ങുന്ന ആളല്ലെന്നും തനിക്ക് അര്‍ഹിക്കുന്ന പ്രതിഫലം കിട്ടാറുണ്ടെന്നും സിദ്ദിഖ് പറയുന്നു.
പ്രതിഫല തര്‍ക്കത്തെ തുടര്‍ന്ന് ഒരു വേഷം നഷ്ടപ്പെട്ട് പോകുക എന്നത് തനിക്ക് ചിന്തിക്കാന്‍ പോലും കഴിയാത്ത കാര്യമാണ്. മറ്റുള്ളവര്‍ക്ക് എന്ത് പ്രതിഫലം കിട്ടിയെന്ന് നോക്കി മുന്നോട്ട് പോകുന്ന ആളല്ല താനെന്നും അത് തന്റെ ഏരിയ അല്ലെന്നും സിദ്ധിഖ് പറയുന്നു.
തന്നെ റെഗുലറായി സിനിമയില്‍ കാസ്റ്റ് ചെയ്യുന്നവരാണ് ആശിര്‍വാദ് സിനിമാസ്. പലരും തരുന്നതിനേക്കാള്‍ കൂടുതല്‍ പ്രതിഫലം തനിക്ക് ആന്റണി പെരുമ്പാവൂര്‍ തരുന്നുണ്ടെന്നും കണക്ക് പോലും നോക്കാറില്ലെന്നും തനിക്ക് അങ്ങനെ വലിയ അത്യാവശ്യങ്ങളൊന്നുമില്ലെന്നും സിദ്ധിഖ് പറയുന്നു.
