ബോളിവുഡ് പ്രേക്ഷകർക്ക് സുപരിചിതയായ നടിയാണ് ശില്പ ഷെട്ടി. ബിസിനസ്സുക്കാരനായ രാജ് കുന്ദ്രയെയാണ് ശില്പ വിവാഹം കഴിച്ചത്. എന്നാൽ അശ്ലീല വീഡിയോകളുടെ നിർമ്മാണവുമായി ബന്ധപ്പെട്ട് ശില്പയുടെ ഭർത്താവിനെ കോടതി ജയിൽ ശിക്ഷക്ക് വിധേയനാക്കിയിരുന്നു. ഇപ്പോഴിതാ തന്റെ ജയിൽ ജീവിതം സിനിമയാക്കാൻ ഒരുങ്ങുകയാണ് രാജ് കുന്ദ്ര.
63 ദിവസത്തെ ജയിൽ വാസത്തിന് ശേഷം പുറത്തിറങ്ങിയ രാജ്, പിന്നീട് പൊതുവേദികളിൽ എല്ലാം തന്നെ മാസ്‌ക് ധരിച്ചാണ് പ്രത്യക്ഷപ്പെട്ടിരുന്നത്. ഇതോടെ മാസ്‌ക് മാൻ എന്ന പേരും കുന്ദ്രയെ തേടിയെത്തിരുന്നു. യുടി 69 എന്നാണ് സിനിമക്ക് പേര് നല്കിയിരിക്കുന്നത്. ചിത്രത്തിന്റെ ട്രെയിലർ ഇതിനോടകം തന്നെ പുറത്തിറങ്ങി കഴിഞ്ഞു. തന്റെ സിനിമയിലൂടെ അഭിനയത്തിലും അരങ്ങേറാൻ ഒരുങ്ങുകയാണ് രാജ് കുന്ദ്ര. അതേസമയം, കഴിഞ്ഞ രണ്ട് വർഷത്തോളമായി മാസ്‌കിട്ട് മാത്രം കണ്ടിരുന്ന രാജ് കുന്ദ്ര തന്റെ സിനിമയുടെ ട്രെയിലർ റിലീസിൽ വച്ച്് ആദ്യമായി മുഖംമൂടി അഴിക്കുകയും ചെയ്തിരുന്നു.
ട്രെയിലർ ലോഞ്ചിനിടക്ക് വികാരഭരിതനായ രാജ് കുന്ദ്ര താൻ എന്തുകൊണ്ടാണ് ഇത്രയും നാൾ മുഖം മൂടി ധരിച്ചിരുന്നതെന്ന് വ്യക്തമാക്കുന്നുണ്ട്. അതേസമയം തന്റെ എന്നെ എന്തുവേണമെങ്കിലും പറഞ്ഞോളൂ, പക്ഷെ എന്റെ ഭാര്യയേയും മക്കളേയും വെറുതെ വിടൂ” എന്നും അദ്ദേഹം പറയുന്നുണ്ടായിരുന്നു. തന്റെ തന്നെ ജയിലിലെ അനുഭവങ്ങളാണ് സിനിമയിൽ ഉള്ളതെന്നാണ് രാജ് കുന്ദ്ര പറയുന്നത്. അതേസമയം താൻ അഭിനയിക്കാൻ പോകുന്നുവെന്ന് പറഞ്ഞപ്പോൾ ശിൽപ എതിർത്തുവെന്നാണ് രാജ് പറയുന്നത്. എന്നാൽ പിന്നീട് സിനിമയുടെ സംവിധായകനായ ഷാനവാസ് അലി കഥ പറഞ്ഞതോടെ ശിൽപ സമ്മതിച്ചുവെന്നും നേരത്തെ രാജ് കുന്ദ്ര പറഞ്ഞിരുന്നു.
”അവളില്ലായിരുന്നുവെങ്കിൽ ഞാൻ സർവൈവ് ചെയ്യിലായിരുന്നു. അകത്തു വച്ചു തന്നെ എല്ലാം അവസാനിപ്പിക്കാൻ തീരുമാനിചിരുന്നതാണ്. അവളാണ് എനിക്ക് വിശ്വാസവും പ്രതീക്ഷയും നൽകിയത്. പുറത്ത് വരൂ, നമ്മളിത് ഒരുമിച്ച് പരിഹരിക്കുമെന്ന് പറഞ്ഞു. ആ 63 ദിവസമാണ് എന്റെ ജീവിതത്തിലെ ഏറ്റവും മോശം സമയം. ആർക്കും അതുപോലൊന്ന് ഉണ്ടാകരുതേയെന്ന് ഞാൻ ആഗ്രഹിക്കുന്നു. എല്ലാത്തിനും ഞാൻ ശിൽപയോട് നന്ദി പറയുന്നു. അവളാണ് എന്റെ ലോകം. നമ്മളെ കൊല്ലാത്തതൊക്കെ കരുത്തരാക്കും എന്നല്ലേ” എന്നാണ് ന്യുസ് 18 ന് നൽകിയ അഭിമുഖത്തിൽ നേരത്തെ രാജ് പറഞ്ഞത്.
സമീപകാലത്ത് ബോളിവുഡിലെ പിടിച്ചുലച്ച സംഭവമായിരുന്നു അശ്ലീല ചിത്ര നിർമ്മാണം. ശിൽപ ഷെട്ടിയുടെ ഭർത്താവും ബിസിനസുകാരനുമായ രാജ് കുന്ദ്രയ്‌ക്കെതിരെ നിരവധി നടിമാരും രംഗത്തെത്തിയിരുന്നു. അതേസമയം ഇതാദ്യമായിട്ടല്ല രാജ് വിവാദത്തിൽ പെടുന്നത്. മുമ്ബും വിവാദങ്ങൾ രാജ് കുന്ദ്രയുടെ ജീവിതത്തിന്റെ ഭാഗമായിട്ടുണ്ട്. അതേസമയം ഒരിടവേളയ്ക്ക് ശേഷം ബിഗ് സ്‌ക്രീനിലേക്ക് മടങ്ങിയെത്തിയിരിക്കുകയാണ് ശിൽപ ഷെട്ടി. ഇന്ത്യൻ പോലീസ് ഫോഴ്‌സിലൂടെ ഒടിടിയിലേക്കും എത്തുകയാണ് ശിൽപ.
