ബോളിവുഡിന്റെ കിങ്ഖാന്‍ ഷാരൂഖ് ആരാധകര്‍ ചെന്നൈ എക്‌സ്പ്രസിന് ശേഷം വളരെ പ്രതീക്ഷയോടെ കാത്തിരിക്കുന്ന ചിത്രമാണ് സീറോ.
ഇപ്പോഴിതാ സീറോയെക്കുറിച്ച് ഷാരൂഖ് പറഞ്ഞ വാക്കുകള്‍ ആരാധകരുടെ കണ്ണുനനയിച്ചിരിക്കുകയാണ്. സീറോയും ബോക്സ് ഓഫീസില്‍ പ്രതീക്ഷിച്ച വിജയം നേടിയില്ലെങ്കില്‍ എന്തു ചെയ്യുമെന്ന ചോദ്യത്തിനായിരുന്നു ഷാരൂഖിന്റെ മറുപടി.
‘സീറോ’ എന്റെ പ്രധാന ചിത്രമാണെന്ന് പ്രേക്ഷകര്‍ക്ക് തോന്നുന്നെങ്കില്‍, അത് അവരുടെ തോന്നലാണ്. ഈ ചിത്രം പരാജയപ്പെട്ടാല്‍, എന്തു സംഭവിക്കും?
ചിലപ്പോള്‍ അടുത്ത ആറോ പത്തോ മാസത്തേക്ക് എനിക്ക് സിനിമ കിട്ടില്ലായിരിക്കാം. പക്ഷെ എന്റെ കഴിവിലും കലയിലും വിശ്വാസമുണ്ടെങ്കില്‍ വീണ്ടും ഞാന്‍ അഭിനയിക്കും.
’കഴിഞ്ഞ 15 വര്‍ഷത്തേതു പോലെ തന്നെ ഞാന്‍ ചിലപ്പോള്‍ ഒരു തിരിച്ചുവരവ് നടത്തിയേക്കാം. അല്ലെങ്കില്‍ ഒരുപക്ഷെ ഒരിക്കലും തിരിച്ചു വരില്ലായിരിക്കാം.
വ്യവസായ ലോകത്തിന് സിനിമയെക്കുറിച്ച് ഒരു വീക്ഷണമുണ്ട്, അവരുടെ കാഴ്ചപ്പാടില്‍ നിന്നും അവര്‍ പറയുന്നത് ശരിയുമാണ്.’ഷാരൂഖ് പറയുന്നു.
ഇംതിയാസ് അലിയുടെ ‘ജബ് ഹാരി മെറ്റ് സെയ്ജാല്‍’ ആണ് ഇതിനു മുമ്പ് റിലീസ് ചെയ്ത ഷാരൂഖ് ചിത്രം. ബോക്‌സ്ഓഫീസില്‍ വലിയ ചലനങ്ങള്‍ നേടാന്‍ ഈ ചിത്രത്തിനും സാധിച്ചില്ല.
