ഒരിടവേളയ്ക്ക് ശേഷം സിനിമയിലേക്ക് തിരികെ എത്തുന്നതിന്റെ സന്തോഷം പങ്കുവെക്കുകയാണ് നടി റോഷ്ന ആൻ റോയ്. ഇൻസ്റ്റഗ്രാമിൽ പങ്കുവച്ച കുറിപ്പിലൂടെയായിരുന്നു നടി മനസ് തുറന്നത്. അങ്ങനെ കുറച്ചു നാളത്തെ വലിയ കാത്തിരിപ്പിനോടുവിൽ. ഞാനിതാ എന്റെ സന്തോഷത്തിലേക്ക് എന്നാണ് താരം പറയുന്നത്.
ഈച്ച ആട്ടി ഇരിക്കുക എന്നൊക്കെ പറഞ്ഞു കെട്ടിട്ടേ ഉള്ളൂ.. ഞാൻ ഏതാണ്ടൊക്കെ അങ്ങനൊരു അവസ്ഥയിലായിരുന്നുവെന്നും താരം പറയുന്നുണ്ട്. താരത്തിന്റെ വാക്കുകൾ ഇങ്ങനെ! അങ്ങനെ കുറച്ചു നാളത്തെ വലിയ കാത്തിരിപ്പിനോടുവിൽ ഞാനിതാ എന്റെ സന്തോഷത്തിലേക്ക്..
2019ൽ makeup &beutician ഡിപ്ലോമ എടുത്തു, ഒരുക്കുന്നത് ഇഷ്ടമുള്ള കാര്യമായതു കൊണ്ട് അതും കൂടെ കൊണ്ടുപോകണം എന്ന് ആഗ്രഹിച്ചാണ് പഠിച്ചത്. എന്തോ കൊറോണ വന്നപ്പോ എനിക്കതായിരുന്നു ആശ്രയം. ആ സമയത്തായിരുന്നു വിവാഹവും. എന്റെ വിവാഹ ശേഷം ഒരു 6 മാസത്തിനു ശേഷം സിനിമയ്ക്കു വിലക്കുകളിൽ നിന്നു മോചനം.. എല്ലാവരും വീണ്ടും തിരക്കു പിടിച്ച സമയത്തിലേക്ക്. അന്ന് എന്റെ കാര്യം നല്ല കോമഡി ആയിട്ടു പോകുന്നു..ഈച്ച ആട്ടി ഇരിക്കുക എന്നൊക്കെ പറഞ്ഞു കെട്ടിട്ടേ ഉള്ളൂ.. ഞാൻ ഏതാണ്ടൊക്കെ അങ്ങനൊരു അവസ്ഥയിലായിരുന്നു.
എങ്കിലും ഒന്നല്ലേൽ വേറെ, എന്നൊരു മൂഡിൽ ഞാൻ പഠിച്ചതൊക്കെ കൂട്ടി ചേർത്ത് മേക്കപ്പ് വർക്ക്സ് ചെയ്യാൻ തുടങ്ങി, വെറുതെ ഇരിക്കാനുള്ള മനസു അന്നുമില്ല ഇന്നുമില്ല..അത്രേ ഉള്ളൂ. കോണ്ടാക്ട്സ് കുറഞ്ഞിട്ടാകും എന്നൊക്കെ മനസിൽ തോന്നി, ഒരീസം ചുമ്മാ എല്ലാ കോണ്ടാക്ട്സും പൊടി തട്ടി എടുത്തു എല്ലാർക്കും മെസേജ് അയച്ചപ്പോഴാണ് കാര്യങ്ങൾ വേറെ ലെവലിൽ പോയി കൊണ്ടിരിക്കുവാണെന്നു മനസിലായത്. അഭിനയ ജീവിതത്തിനു വിരാമം, വിവാഹ ശേഷം മേക്കപ്പ് ആർട്ടിസ്റ്റ് ആയി മാറിയ എന്നെ വിളിച്ചാൽ കാര്യമില്ലത്രേ. ഞാൻ പിന്നെ ന്താ പറയാ. വഴിയേ പോണവർ എന്റെ ജീവിതം അങ്ങോട്ട് തീരുമാനിക്കുകയാണ്,. എന്തായാലും ഇതറിഞ്ഞപ്പോൾ ഇച്ചിരി വെഷമിച്ചെങ്കിലും, മൈന്റ് ആക്കിയില്ല.
സ്വന്തമായി ഞാൻ തന്നെ ഇടയ്ക്കു മറന്നു പോയി തുടങ്ങി , എന്റെ കഴിവുകളെ വീണിടം വിഷ്ണു ലോകം, അങ്ങനെ ഒരു വീട്ടുകാരിയായും ഭാര്യയുമൊക്കെ ആയി ഒതുങ്ങാനുള്ള തയ്യാറെടുത്തു കൊണ്ടിരുന്ന ഞാൻ ഇങ്ങനെ ഒരു അന്തോം കുന്തോംയില്ലാണ്ട് നിക്കുമ്പോഴാണ് ഒരു തമിഴ് പ്രൊജക്ട് ചെയ്യുന്നത്, അതായിരുന്നു തുടക്കം, ആ ഒരു ഇൻസ്പിരേഷൻ കൊണ്ടാകാം ഇന്ന് കൃത്യമായി പറഞ്ഞാൽ 3വർഷവും 4 മാസവും കഴിയുമ്പോൾ മലയാള സിനിമയുടെ ഭാഗമാകുവാൻ ദൈവം വീണ്ടും എന്നെ നിയോഗിച്ചു ..
ആദ്യമായി സ്‌കൂളിലേക്ക് ചെല്ലുന്ന ഒരു കുട്ടിയുടെ പ്രതീതിയാണ് എനിക്കിപ്പോൾ. സിനിമ കിട്ടിയില്ലെങ്കിലും.. ഒരാൾ വിളിച്ചിട്ടു ഒരു കഥ പറഞ്ഞപ്പോൾ കിട്ടിയ സന്തോഷം എനിക്കു പറഞ്ഞറിയിക്കാൻ പറ്റുന്നില്ല. എന്തായാലും റഷീദ് പറമ്പിൽ സംവിധാനം ചെയ്യുന്ന ആദ്യ സിനിമ ‘ഭഗവാൻ ദാസന്റെ രാമ രാജ്യം ‘ എന്ന സിനിമയിലൂടെ ശക്തമായ ഒരു കഥാപാത്രമായി ഞാനും തിരിച്ചു വരുന്നു. ദൈവാനുഗ്രഹത്താൽ പൂജ, സ്വിച്ച് ഓൺ, ബഹുമാനപ്പെട്ട സിബി മലയിൽ സാർ, ഷാജി കൈലാസ് ്സാർ , ലിസ്റ്റിൻ ചേട്ടൻ ടി ജി രവി ചേട്ടൻ എന്നിവരുടെ സാന്നിദ്യത്തിൽ ഭംഗിയായി നടന്നു. ഇന്ന് തുടങ്ങുന്നു. എന്നു പറഞ്ഞാണ് താരം കുറിപ്പ് അവസാനിപ്പിയ്ക്കുന്നത്..
