സീരിയല്‍ ആരാധകരായ മലയാളികള്‍ക്ക് ഏറെ പ്രിയപ്പെട്ട പരമ്പരയാണ് ഏഷ്യാനെറ്റില്‍ സംപ്രേഷണം ചെയ്യുന്ന സാന്ത്വനം എന്ന സീരിയല്‍. പാണ്ഡ്യന്‍ സ്റ്റോഴ്‌സ് എന്ന തമിഴ് സൂപ്പര്‍ഹിറ്റ് പരമ്പരയുടെ മലയാളം റിമേക്കാണ് സാന്ത്വനം.
പ്രമുഖ നടി ചിപ്പിയുടെ ഭര്‍ത്താവ് രഞ്ജിത്താണ് സാന്ത്വനം നിര്‍മ്മിച്ചിരിക്കുന്നത്. ഈ പരമ്പരയിലെ പ്രധാന കഥാപാത്രത്തെ അവതരിപ്പിച്ചിരിക്കുന്നത് ചിപ്പിയാണ്. റേറ്റിങ്ങില്‍ മുന്‍പന്തിയിലുള്ള പരമ്പരയാണ് സാന്ത്വനം.
സീരിയലിലെ ഓരോ കഥാപാത്രങ്ങളും പ്രേക്ഷകര്‍ക്ക് പ്രിയപ്പെട്ടവരാണ്. ഈ സീരിയലിലെ നെഗറ്റീവ് കഥാപാത്രമായ തമ്പിയെ അവതരിപ്പിക്കുന്നത് നടന്‍ രോഹിത് ആണ്. യഥാര്‍ത്ഥത്തില്‍ നാല്‍പ്പത്തിമൂന്ന് വയസ്സ് മാത്രം പ്രായമുള്ള അദ്ദേഹം തലമുടിയൊക്കെ നരിച്ചിട്ടാണ് സീരിയില്‍ അഭിനയിക്കുന്നത്.
സാന്ത്വനത്തില്‍ മാത്രമല്ല, മറ്റ് സീരിയലുകളിലും താരം അഭിനയിച്ചിട്ടുണ്ട്. അമൃത ടിവിയില്‍ സംപ്രേഷണം ചെയ്യുന്ന മഴയെത്തും മുമ്പേ എ്ന്ന പരമ്പരയിലെ നായകന്‍ രോഹിത്താണ്. ഈ സീരിയലില്‍ നായികയായി എത്തുന്നത് സീരിയല്‍ പ്രേമികളുടെ ഇഷ്ടപരമ്പരയായ കൂടെവിടെയിലെ അതിഥി ടീച്ചറെ അവതരിപ്പിക്കുന്ന ശ്രീധന്യയാണ്.
ഇരുവരും ഒന്നിച്ചെത്തുന്ന പരമ്പരയ്ക്കായി കാത്തരിക്കുകയാണ് ആരാധകര്‍ ഇപ്പോള്‍. അതേസമയം, സീരിയല്‍ സെറ്റില്‍ വെച്ച് തന്നെ സംവിധായകന്‍ വളക്ക് പറയാറുണ്ടെന്നും എന്നാല്‍ താന്‍ ദേഷ്യപ്പെടാറില്ലെന്നും പകരം അതില്‍ നിന്നും പലതും പഠിക്കാറുണ്ടെന്നും രോഹിത് പറയുന്നു.
