മലയാളം ടെലിവിഷന്‍ പ്രേക്ഷകര്‍ക്ക് ഏറെ പ്രിയപ്പെട്ട ഷോ ആയിരുന്നു മിനിസ്‌ക്രീനിലെ ഏറ്റവും വലിയ റിയാലിറ്റി ഷോയായ ബിഗ് ബോസ് മലയാളം. ആരാധകരെ ഏറെ ആകര്‍ഷിച്ചായിരുന്ന ഇത്തവണത്തെ നാലാം സീസണ്‍ അവസാനിച്ചത്.
ദില്‍ഷ പ്രസന്നന്‍ ആയിരുന്നു ഇത്തവണത്തെ വിജയി ആയി മാറിയത്. അതേ സമയം ബിഗ് ബോസ് മലയാളം സീസണ്‍ ഫോറില്‍ വൈല്‍ഡ് കാര്‍ഡ് എന്‍ട്രിയായെത്തി ബിഗ് ബോസ് വീടിനകത്തും പുറത്തും ഒരുപോലെ വലിയ ചലനങ്ങള്‍ സൃഷ്ടിച്ച മത്സരാര്‍ഥി ആയിരുന്നു റിയാസ് സലിം.
മത്സരാര്‍ഥിയായി എത്തി കുറച്ച് പേരിലെങ്കിലും മാറ്റങ്ങള്‍ സൃഷ്ടിക്കാനും സമൂഹത്തെ കൊണ്ട് കുറെയേറെ കാര്യങ്ങള്‍ ചിന്തിപ്പി ക്കുകയും ചെയ്തിരുന്നു റിയാസ് സലീം. ന്യൂ നോര്‍മല്‍ എന്ന ടാഗ് ലൈനിലെത്തിയ സീസണ്‍ നാലിന്റെ വിജയിയായത് ദില്‍ഷ പ്രസന്നനായിരുന്നു എങ്കിലും ഏറ്റവും കൂടുതല്‍ ചര്‍ച്ചയായ മത്സരാര്‍ത്ഥി ആരെന്ന ചോദ്യത്തിന്റെ ഉത്തരം റിയാസ് എന്നത് തന്നെയാണ്.
തന്നെക്കുറിച്ചും തന്റെ കാഴ്ചപ്പാടുകളെയും രാഷ്ട്രീയത്തെയും കുറിച്ചുമെല്ലാം പലപ്പോഴായി റിയാസ് തുറന്ന് സംസാരിക്കുകയും ചര്‍ച്ച ചെയ്യുകയും ചെയ്തു. അതിന് ശേഷം മലയാളികള്‍ ഒന്നുകൂടി ആഴത്തില്‍ ചിന്തിക്കാനും പ്രവര്‍ത്തിക്കാനും തുടങ്ങി.
പ്രത്യേകിച്ചും എല്‍ജിബിടിക്യു പോലുള്ള സംഘടനകളുടെ കാര്യത്തില്‍. ഒമ്പത് വര്‍ഷമായി ഹിന്ദി ബിഗ് ബോസ് കാണുന്ന വ്യക്തിയാണ് താനെന്നും അതിനോടുള്ള ഇഷ്ടം കൊണ്ടാണ് വൈല്‍ഡ് കാര്‍ഡായി സീസണ്‍ ഫോറില്‍ മത്സരിക്കാന്‍ എത്തിയതെന്നും റിയാസ് പലപ്പോഴായി പറഞ്ഞിരുന്നു.
ബിഗ് ബോസില്‍ എത്തുന്നതിന് മുമ്പത്തേക്കാള്‍ സമൂഹമാധ്യമ്ത്തില്‍ ഏറെ സജീവമായിരിക്കുകയാണ് റിയാസ്. ഇപ്പോഴിതാ റിയാസ് ഇന്‍സ്റ്റഗ്രാമില്‍ പങ്കുവെച്ച വീഡിയോയാണ് ഏറെ ചര്‍ച്ചയാവുന്നത്. റിയാലിറ്റി ഷോയായ ബിഗ് ബോസിനകത്ത് വെച്ചുണ്ടായ ഒരു ഇന്‍സിഡന്റാണ് റിയാസ് പോസ്റ്റ് ചെയ്തിരിക്കുന്നത്.
ബ്ലെസ്ലി ക്യാപ്റ്റനായിരിയ്ക്കുന്ന സമയത്ത് നടന്ന സംഭവമാണ് ദൃശ്യങ്ങളില്‍ ഉള്ളത്. ഷോയില്‍ വെച്ച് തന്റെ ജെന്ററിനെ ചോദ്യം ചെയ്ത ബ്ലെസ്ലിയ്ക്ക് റിയാസ് മറുപടി നല്കുന്ന വീഡിയോയാണിത്. ‘എന്നാല്‍ നീ എന്റെ അടിവസ്ത്രം കൂടി ഊരിനോക്കടാ’ എന്ന് കളിയാക്കി വന്ന ബ്ലെസ്ലിയോട് റിയാസ് പറയുന്ന മറുപടിയാണ് ആരാധകര്‍ ഏറ്റെടുത്തിരിക്കുന്നത്.
ഈ വീഡിയോ ലിംഗഭേദത്തെ കുറിച്ച് നിങ്ങള്‍ക്ക് ചോദ്യം ചോദിക്കാനുണ്ടോ എന്ന് ചോദിച്ചുകൊണ്ടാണ് റിയാസ് പങ്കുവച്ചിരിയ്ക്കുന്നത്. ജനനേന്ദ്രിയങ്ങളുടെ അടിസ്ഥാനത്തില്‍ നിങ്ങള്‍ക്ക് ഒരാളുടെ ലിംഗഭേദം തിരിച്ചറിയാന്‍ സാധിക്കില്ലെന്നും സ്വന്തം കാര്യങ്ങളുടെ അടിസ്ഥാനത്തില്‍ ആളുകള്‍ക്ക് ലിംഗഭേദം തിരിച്ചറിയാന്‍ കഴിയുമെന്നും റിയാസ് പറയുന്നു. നിരവധി പേരാണ് വീഡിയോയ്ക്ക് താഴെ പ്രതികരിച്ചത്.
